മുംബൈ: എൻസിപി അധ്യക്ഷൻ ശരദ് പവാർ തെരഞ്ഞെടുപ്പ് രാഷ്ട്രീയം അവസാനിപ്പിക്കുന്നു. 2019 ലെ ലോക്സഭാ തെരഞ്ഞെടുപ്പിൽ ശരദ് പവാർ മത്സരിക്കില്ലെന്ന് മുതിർന്ന പാർട്ടി നേതാവ് അജിത് പവാർ പറഞ്ഞു. പാർട്ടിയുടെ ഉന്നത നേതാവാണ് ശരദ് പവാർ. അദ്ദേഹത്തിന് ഇപ്പോൾ 78 വയസുണ്ട്. അദ്ദേഹം ഇനി തെരഞ്ഞെടുപ്പിൽ മത്സരിക്കില്ലെന്നും അജിത് പവാർ പറഞ്ഞു.
എന്നാൽ ശരദ് പവാർ മൽസരിക്കണമെന്ന ആവശ്യം പ്രവർത്തകർക്കിടയിൽ ശക്തമാണ്. പൂനയിൽനിന്നും മത്സരിക്കണമെന്ന് ചില പാർട്ടി പ്രവർത്തകർ ശരദ് പവാറിനോട് ആവശ്യപ്പെട്ടിരുന്നു. എന്നാൽ ഇനി മത്സരിക്കാനില്ലെന്നും ഒരു സീറ്റിലേക്കും തന്റെ പേര് പരിഗണിക്കരുതെന്നും അദ്ദേഹം വ്യക്തമാക്കിയതായി അജിത് പവാർ അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ