ഇന്ത്യ യുഎൻ മനുഷ്യാവകാശ കൗൺസിലിൽ ; അം​ഗത്വം മൂന്നു വർഷത്തേക്ക്

ജ​നീ​വ: ഐ​ക്യ​രാ​ഷ്ട്ര സം​ഘ​ട​ന​യു​ടെ മ​നു​ഷ്യാ​വ​കാ​ശ കൗ​ൺ​സി​ലി​ലേ​ക്ക് ഇ​ന്ത്യ​ തെരഞ്ഞെടുക്കപ്പെട്ടു. ഇന്നലെ നടന്ന വോട്ടെടുപ്പിൽ ഏ​ഷ്യ–​പ​സ​ഫി​ക് വി​ഭാ​ഗ​ത്തി​ൽ ഏറ്റവും വ​ലി​യ ഭൂ​രി​പ​ക്ഷ​ത്തോ​ടെ​യാ​ണ് ഇ​ന്ത്യ തെ​ര​ഞ്ഞെ​ടു​ക്ക​പ്പെ​ട്ട​ത്. ഇ​ന്ത്യ ആ​കെ 188 വോ​ട്ടു​ക​ൾ നേ​ടി. 2019 ജ​നു​വ​രി ഒ​ന്ന് മു​ത​ൽ മൂ​ന്നു വ​ർ​ഷ​ത്തേ​ക്കാ​ണ് ഇന്ത്യയുടെ അം​ഗ​ത്വം.

193 അം​ഗ​ങ്ങ​ളു​ള്ള യു​എ​ൻ ജ​ന​റ​ൽ അ​സം​ബ്ലി മ​നു​ഷ്യാ​വ​കാ​ശ കൗ​ൺ​സി​ലി​ലേ​ക്ക് പു​തി​യ അം​ഗ​ങ്ങ​ളെ ക​ണ്ടെ​ത്തു​ന്ന​തി​നാ​ണ് തെ​ര​ഞ്ഞെ​ടു​പ്പ് ന​ട​ത്തി​യ​ത്. ര​ഹ​സ്യ ബാ​ല​റ്റി​ലൂ​ടെ ന​ട​ന്ന തെ​ര​ഞ്ഞെ​ടു​പ്പി​ൽ 18 പു​തി​യ അം​ഗ​ങ്ങ​ൾ തെ​ര​ഞ്ഞെ​ടു​ക്ക​പ്പെ​ട്ടു. കൗ​ൺ​സി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട​ണ​മെ​ങ്കി​ൽ ഓ​രോ രാ​ജ്യ​ത്തി​നും 97 വോ​ട്ടു​ക​ൾ വീ​ത​മാ​ണ് വേ​ണ്ടിയിരുന്ന​ത്. 

ഏ​ഷ്യ പ​സ​ഫി​ക് മേ​ഖ​ല​യി​ൽ​നി​ന്ന് ഇ​ന്ത്യ​യ്ക്കു പു​റ​മെ ബ​ഹ്റൈ​ൻ, ബം​ഗ്ലാ​ദേ​ശ്, ഫി​ജി, ഫി​ലി​പ്പീ​ൻ​സ് എ​ന്നീ രാ​ജ്യ​ങ്ങ​ളും അം​ഗ​ത്വ​ത്തി​നാ​യി മ​ത്സ​രി​ച്ചിരുന്നു. ഏ​ഷ്യ പ​സ​ഫി​ക് മേ​ഖ​ല​യി​ൽ ഇന്ത്യയ്ക്ക് പിന്നിൽ ഫിജി 187 വോട്ടും ബം​ഗ്ലാദേശ് 178 വോട്ടും, ബഹറൈനും ഫിലിപ്പീൻസും 165 വോട്ടുകളും നേടി. ലോകരാജ്യങ്ങൾക്കിടയിലെ ഇന്ത്യയുടെ സ്വാധീനമാണ് വിജയത്തിൽ പ്രതിഫലിച്ചതെന്ന് യുഎന്നിലെ ഇന്ത്യൻ സ്ഥിരം പ്രതിനിധി സയീദ് അക്ബറുദ്ദീൻ പറഞ്ഞു. 
 

Voting for a Happy Outcome.

Thanks to the support of all our friends @UN , India wins seat to Human Rights Council with highest votes among all candidates.