ഹൈദരാബാദ്: വ്യാജ പാസ്പോർട്ടും വീസയുമായി യാത്ര ചെയ്ത തെലങ്കാന കോണ്ഗ്രസ് നേതാവും മുൻ എംഎൽഎയുമായ കെ.ജഗ്ഗ റെഡ്ഡി അറസ്റ്റിൽ. ഹൈദരാബാദ് പോലീസാണ് ഇയാളെ അറസ്റ്റ് ചെയ്തത്. വ്യാജ രേഖകൾ ഉപയോഗിച്ച് ഇയാൾ അമേരിക്കയിലേക്കു യാത്ര ചെയ്തതായി പോലീസ് ആരോപിച്ചു. അതേസമയം, പ്രതിപക്ഷത്തിനെതിരേ തെലങ്കാനയിലെ ടിആർഎസ് സർക്കാർ പകപോക്കുകയാണെന്ന് കോണ്ഗ്രസ് ആരോപിച്ചു.
2004-ൽ ഒരു സ്ത്രീക്കും കുട്ടിക്കുമൊപ്പമാണ് ജഗ്ഗ റെഡ്ഡി യാത്ര ചെയ്തത്. സ്ത്രീയും കുട്ടിയും ഭാര്യയും മകനുമാണെന്നാണ് ഇയാൾ പറഞ്ഞത്. എന്നാൽ പിന്നീട് നടത്തിയ അന്വേഷണത്തിൽ കുടുംബത്തിന്റേതെന്ന പേരിൽ ഇയാൾ സമർപ്പിച്ചത് വ്യാജരേഖയാണെന്ന് ബോധ്യപ്പെട്ടു. ഇതിന്റെ അടിസ്ഥാനത്തിലാണ് അറസ്റ്റ്.
അതേസമയം, പ്രതിപക്ഷത്തിനെതിരേ തെലങ്കാനയിലെ ടിആർഎസ് സർക്കാർ പകപോക്കുകയാണെന്ന് കോണ്ഗ്രസ് ആരോപിച്ചു. കഴിഞ്ഞ വർഷം സാംഗറെഡ്ഡിയിൽ രാഹുൽ ഗാന്ധിയുടെ വൻ റാലി സംഘടിപ്പിക്കുന്നതിനു ചുക്കാൻ പിടിച്ചത് ജഗ്ഗ റെഡ്ഡിയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
