ബിജ്നോര് : ഉത്തര്പ്രദേശിലെ ബിജ്നോറിലെ സ്വകാര്യ പെട്രോള് കെമിക്കല് ഫാക്ടറിയില് സ്ഫോടനം. അപകടത്തില് ആറു പേര് മരിച്ചു. നിരവധി പേര്ക്ക് പരിക്കേറ്റു. ഇതില് പലരുടെയും നില ഗുരുതരമാണെന്നാണ് റിപ്പോര്ട്ട്. മൂന്നുപേരെ കാണാതായതായും റിപ്പോര്ട്ടുണ്ട്.
കോട്വാല് സിറ്റിയിലെ നാഗിന റോഡിലുള്ള മോഹിത് പെട്രോ കെമിക്കല് ഫാക്ടറിയിലാണ് സ്ഫോടനം ഉണ്ടായത്. തൊഴിലാളികള് മീഥേന് ഗ്യാസ് ടാങ്ക് റിപ്പയര് ചെയ്യുന്നതിനിടെ പൊട്ടിത്തെറിക്കുകയായിരുന്നു എന്ന് ബിജ്നോര് പൊലീസ് സൂപ്രണ്ട് ഉമേഷ് കുമാര് സിംഗ് അറിയിച്ചു.
കഴിഞ്ഞ വര്ഷം നവംബറില് റായ്ബറേലി ജില്ലയിലെ എന്ടിപിസി പ്ലാന്റിലുണ്ടായ സ്ഫോടനത്തില് 29 പേര് കൊല്ലപ്പെട്ടിരുന്നു. നിരവധി പേര്ക്ക് പരിക്കേല്ക്കുകയും ചെയ്തിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ