ന്യൂഡല്ഹി: തീവ്രവാദികള് എന്ന് സംശയിക്കുന്ന രണ്ട് ഭീകരര് കാന്പൂരില് പിടിയില്.പാക്കിസ്ഥാന് തീവ്രവാദസംഘടനയായ ഹിസ്ബുള് മുജാഹിദിന്റെ സജീവപ്രവര്ത്തകരാണെന്നാണ് പൊലീസിന്റെ നിഗമനം.
ദേശീയ വാര്ത്താ ഏജന്സിയായ എഎന്ഐയാണ് വാര്ത്ത പുറത്തുവിട്ടത്. ഇവരുടെ കൈയില് നിന്ന് ആയുധങ്ങള് ഉള്പ്പടെ പിടിച്ചെടുത്തിട്ടുണ്ട. വിനായക ചതുര്ത്ഥി വേളയില് ആക്രമണത്തിന് നേതൃത്വമിടാനായിരുന്നു ഇവരുടെ പദ്ധതിയെന്നും ഡിജിപി ഒപി സിംഗ് പറഞ്ഞു. 2017ലെ കശമീര് ക്യാംപില് നിന്നും പരിശീലനം ലഭിച്ചവരാണെന്നും ഡിജിപി പറഞ്ഞു
സമീപകാലത്തായി പാക്ക് ഭീകരസംഘടനകള് ഇന്ത്യയില് ആക്രമണം നടത്താന് പ്രവര്ത്തനം ഊര്ജ്ജിതമാക്കിയതായി രഹസ്യാന്വേഷണ ഏജന്സികള് മുന്നറിയിപ്പ് നല്കിയിരുന്നു. തുടര്ന്ന് കേന്ദ്ര ആഭ്യന്തരമന്ത്രാലയം അതിര്ത്തിയിലെ നുഴഞ്ഞുകയറ്റം തടയാന് ജാഗ്രത പാലിക്കണമെന്ന് സൈന്യത്തോട് നിര്ദ്ദേശിച്ചിരുന്നു
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ