പെട്രോള്‍ വില 79ലേക്ക്, ഇന്നു കുറഞ്ഞത് 14 പൈസ; വരുംദിവസങ്ങളില്‍ വര്‍ധനയ്ക്കു സാധ്യതയെന്ന് സൂചന

പെട്രോള്‍ വില 79ലേക്ക്, ഇന്നു കുറഞ്ഞത് 14 പൈസ; വരുംദിവസങ്ങളില്‍ വര്‍ധനയ്ക്കു സാധ്യതയെന്ന് സൂചന
പെട്രോള്‍ വില 79ലേക്ക്, ഇന്നു കുറഞ്ഞത് 14 പൈസ; വരുംദിവസങ്ങളില്‍ വര്‍ധനയ്ക്കു സാധ്യതയെന്ന് സൂചന

കൊച്ചി: രാജ്യത്ത് പെട്രോള്‍ വിലയിലെ ഇടിവു തുടരുന്നു. ഒരു മാസത്തോളമായി തുടര്‍ച്ചയായി കുറയുന്ന വില എഴുപത്തിയൊന്‍പതിലേക്ക് അടുക്കുകയാണ്. കൊച്ചിയില്‍ 79.37 ആണ് ഇന്നത്തെ പെട്രോള്‍ വില. ലിറ്ററിന് 14 പൈസയുടെ കുറവാണ് ഇന്നുണ്ടായത്.

ഡീസല്‍ വില ലിറ്ററിന് 12 പൈസ കുറഞ്ഞു. 75.95 രൂപയാണ് കൊച്ചിയില്‍ ഡീസല്‍ വില. ഇന്നലെ ഇത് 76.0.7 രൂപയായിരുന്നു. തിരുവനന്തപുരത്ത് പെട്രോള്‍ 80.78 രൂപയും ഡീസല്‍ 77.42 രൂപയുമാണ് വില.

ഒരു മാസത്തിലേറെയായി ഇടിവു തുടരുന്ന ഇന്ധന വില തിരിച്ചുകയറുമെന്നാണ് രാജ്യാന്തര വിപണിയില്‍നിന്നുള്ള സൂചനകള്‍. അസംസ്‌കൃത എണ്ണ വിലയില്‍ തിങ്കളാഴ്ച മാത്രം ഒരു ശതമാനം വര്‍ധനയാണ് ഉണ്ടായത്. രാജ്യാന്തര വിപണിയില്‍ എണ്ണയുടെ ആവശ്യകത കുറഞ്ഞ പശ്ചാത്തലത്തില്‍ എണ്ണ ഉല്‍പാദക രാജ്യങ്ങള്‍ ഉല്‍പ്പാദനം വെട്ടിക്കുറയ്ക്കാന്‍ തീരുമാനിച്ചതാണ് വിപണിയില്‍ പ്രതിഫലിച്ചത്.

പ്രതിദിനം എണ്ണ ഉല്‍പ്പാദനത്തില്‍ ഒരു മില്യണ്‍ ബാരലിന്റെ വെട്ടിക്കുറവ് വരുത്താനാണ് ഒപ്പെക്കിന്റെ നീക്കം. ഏറ്റവും വലിയ എണ്ണ ഉല്‍പ്പാദക രാജ്യമായ സൗദി അറേബ്യയാണ് വെട്ടിക്കുറയ്ക്കാന്‍ പോകുന്നതായി തുറന്നുപറഞ്ഞത്.ഇന്ത്യ മുഖ്യമായി ആശ്രയിക്കുന്ന ബ്രെന്‍ഡ് ക്രൂഡിന്റെ വില 71 ഡോളര്‍ കടന്നു. ഒരു മാസത്തോളം വില കുറഞ്ഞശേഷമാണ് ഈ തിരിച്ചുകയറ്റം. ഇത് ഒരു ഇടവേളയ്ക്ക് ശേഷം ആഭ്യന്തരവിപണിയില്‍ ഇന്ധന വില വീണ്ടും ഗണ്യമായി ഉയരാന്‍ ഇടയാക്കുമെന്ന് വിപണി വിദഗ്ധര്‍ മുന്നറിയിപ്പ് നല്‍കുന്നു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com