പെട്രോളിന് 41 പൈസ കുറഞ്ഞു, ഡീസലിന് 32; പത്തുദിവസത്തിനകം ഇന്ധനവിലയില്‍ ഒന്നര രൂപയുടെ കുറവ് 

രാജ്യാന്തര വിപണിയുടെ ചുവടുപിടിച്ച് ആഭ്യന്തരവിപണിയില്‍ ഇന്ധനവില ഇടിവ് തുടരുന്നു
പെട്രോളിന് 41 പൈസ കുറഞ്ഞു, ഡീസലിന് 32; പത്തുദിവസത്തിനകം ഇന്ധനവിലയില്‍ ഒന്നര രൂപയുടെ കുറവ് 

കൊച്ചി: രാജ്യാന്തര വിപണിയുടെ ചുവടുപിടിച്ച് ആഭ്യന്തരവിപണിയില്‍ ഇന്ധനവില ഇടിവ് തുടരുന്നു. ഇന്ന് ഒരു ലിറ്റര്‍ പെട്രോളിന് 41 പൈസയും ഡീസലിന് 32 പൈസയും കുറഞ്ഞു. പത്തുദിവസത്തിനകം ഇന്ധനവിലയില്‍ ഒന്നര രൂപയുടെ കുറവാണ് രേഖപ്പെടുത്തിയത്. 

77 രൂപ 90 പൈസയാണ് ഒരു ലിറ്റര്‍ പെട്രോളിന് കൊച്ചിയിലെ ഇന്നത്തെ വില. ഡീസലിന് 74രൂപ 68 പൈസയായും താഴ്ന്നു. തിരുവനന്തപുരത്തും സമാനമായ വില കുറവുണ്ട്. 79 രൂപ 29 പൈസയാണ് പെട്രോളിന്റെ വില. ഡീസലിന് 76 രൂപ 12 പൈസയും. കോഴിക്കോട് ഒരു ലിറ്റര്‍ പെട്രോളിന് 78 രൂപ 24 പൈസയായി. ഡീസലിന് 75 രൂപയോട് അടുത്തു. 75 രൂപ മൂന്ന് പൈസയാണ് കോഴിക്കോട്ടെ ഇന്നത്തെ ഡീസല്‍ വില.

രാജ്യാന്തരവിപണിയില്‍ അസംസ്‌കൃത എണ്ണയുടെ ലഭ്യത ഉയര്‍ന്നതാണ് ആഗോളതലത്തില്‍ എണ്ണവില കുറയാന്‍ മുഖ്യകാരണം. അമേരിക്കയില്‍ എണ്ണ ഉല്‍പ്പാദനം വര്‍ധിച്ചത് ഉള്‍പ്പെടെയുളള കാരണങ്ങളാണ് എണ്ണ ലഭ്യതയില്‍ പ്രതിഫലിച്ചത്. ഇതിന് പുറമേ ആഗോള സമ്പദ്‌വ്യവസ്ഥ തളര്‍ച്ച നേരിടുന്നതും ആവശ്യകതയില്‍ കുറവ് വരുത്തിയിട്ടുണ്ട്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com