പുതിയ സാങ്കേതിക വിദ്യകള് വികസിപ്പിക്കുന്ന കാര്യത്തില് മറ്റ് ലോക രാജ്യങ്ങളേക്കാള് ഒരുപിടി മുന്നിലാണ് ജപ്പാന്. ഇപ്പോള് ഡ്രൈവറില്ലാതെ ഓടുന്ന ബസാണ് ജപ്പാന് പരീക്ഷിക്കുന്നത്.
ഡ്രൈവറില്ലെന്ന കുറവ് പക്ഷെ യാത്രക്കാര്ക്ക് അനുഭവപ്പെടുകയേ ഇല്ല. ബസ് സ്റ്റോപ്പില് കൃത്യമായി ബസ് നിര്ത്തുകയും യാത്രക്കാരെ കയറ്റുകയും ചെയ്യുന്നു. യാത്രക്കാര് സീറ്റില് ഇരുന്നതിന് ശേഷമാകും ബസ് വീണ്ടും യാത്ര തുടരുക. വളവും തിരിവും, മുന്പിലൂടെ വരുന്ന വണ്ടിയുമെല്ലാം കടന്ന് ഒരു ഡ്രൈവറോടിക്കുന്നതിനേക്കാള് നന്നായി ജപ്പാന്റെ ഡ്രൈവറില്ലാ ബസ് മുന്നോട്ടുപോകുന്നു.
ഗ്യാസില് പ്രവര്ത്തിക്കുന്ന ഈ മിനി ബസുകള് തങ്ങളുടെ ഗ്രാമങ്ങളിലാണ് ജപ്പാന് പരീക്ഷിക്കുന്നത്. ഫിന്ലാന്ഡിലെ ഹെല്സിങ്കിയിലും ഡ്രൈവറില്ലാതെ ഓടുന്ന ബസ് പരീക്ഷിച്ചെങ്കിലും വളരെ കുറഞ്ഞ വേഗതയിലായിരുന്നു ഇത് ഓടിയിരുന്നത്. എന്നാല് ജപ്പാന്കാരുടെ സ്മാര്ട്ട് ബസ് അത്യാവശ്യം നല്ല വേഗതയില് തന്നെയാണ് യാത്രക്കാരുമായി പോകുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ