ചൈനയിലെ ഹൈനന്‍ പ്രവിശ്യയിലെ റസ്റ്റോറന്റ് ഉടമ അടുത്തിടെയാണ് ഒരു കാര്യം ശ്രദ്ധിച്ചത്. കടയിലുണ്ടാക്കുന്നസൂപ്പില്‍ നിന്ന് വൃത്തികെട്ട മണം വരുന്നു. താനുണ്ടാക്കുന്ന സൂപ്പിന് ഈ മണമല്ലെന്ന് ഉറപ്പുള്ളതിനാല്‍ എന്താണ് സൂപ്പിലെ പ്രശ്‌നം എന്നറിയാന്‍ അയാള്‍ കടയില്‍ സിസിടിവി ക്യാമറ ഫിറ്റ് ചെയ്തു. എന്നാല്‍ സിസിടിവിയില്‍ പതിഞ്ഞ ദൃശ്യങ്ങള്‍ ഞെട്ടിക്കുന്നതായിരുന്നു.
സമീപത്ത് കട നടത്തുന്ന ഒരാള്‍ സൂപ്പിലേക്ക് മൂത്രമൊഴിക്കുന്നതാണ് ദൃശ്യങ്ങളില്‍ പതിഞ്ഞത്. എതിരാളിയുടെ വളര്‍ച്ചയില്‍ അസൂയ പൂണ്ടാണ് ഇയാള്‍ വൃത്തികേട് ചെയ്തത്. ഇയാള്‍ രാവിലെ റസ്റ്റോറന്റില്‍ എത്തി സൂപ്പിന്റെ പാത്രത്തിലേക്ക് എന്തോ നിക്ഷേപിച്ചു. പിന്നീട് മറ്റൊരു പാത്രം സൂപ്പിന് അടുത്തേക്ക് ചെന്ന് പാന്റിന്റെ സിബ് അഴിച്ച് അതിലേക്ക് മൂത്രമൊഴിക്കുന്നതാണ് ദൃശ്യങ്ങളിലുള്ളത്. വിസര്‍ജ്യമാണ് ഇയാള്‍ ആദ്യത്തെ പാത്രത്തില്‍ നിക്ഷേപിച്ചത്.
പരാതി കൊടുത്തതിനെ തുടര്‍ന്ന് സംഭവത്തില്‍ പൊലീസ് അന്വേഷണം ആരംഭിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
