ഹോം സ്വീറ്റ് ഹോം എന്നൊക്കെ പറയില്ലേ, ഇതാ രുചികരമായ ചോക്ക്ലേറ്റ് കൊണ്ടൊരു വീട് തന്നെ നിര്മ്മിച്ചിരിക്കുകയാണ് ഫ്രാന്സിലെ സെര്വ്സില് ചോക്ക്ലേറ്റ് ആര്ട്ടിസ്റ്റായ ജീന് ലൂക് ഡെക്ലൂസൂ.
മുത്തശ്ശിക്കഥയാണ് കേള്ക്കുന്നതെന്ന് കരുതണ്ട. വീടിന്റെ ഭിത്തി, മേല്ക്കൂര, നെരിപ്പോട്, ക്ലോക്ക്, ബുക്കുകള് എന്ന് വേണ്ട എല്ലാ സാധനങ്ങളും ഉണ്ടാക്കിയിരിക്കുന്നത് ചോക്ക്ലേറ്റിലാണ് എന്നതാണ് ഏറ്റവും വലിയ പ്രത്യേകത.
പൂക്കൊട്ടയും വീടിനുള്ളിലെ ചെറുകുളവും വരെ ചോക്കലേറ്റില് തീര്ത്ത് വിസ്മയം സൃഷ്ടിച്ചിരിക്കുകയാണ് ഡെക്ലൂസു.
വെള്ളിയും ശനിയുമായി ചോക്കലേറ്റ് കോട്ടേജ് അതിഥികള്ക്കായി തുറന്ന് കൊടുക്കാനാണ് ഡെക്ലൂസുവിന്റെ തീരുമാനം. കുട്ടിക്കാലത്ത് ഒരുപാട്പേര് കണ്ട സ്വപ്നമായത് കൊണ്ടാവും ഡെക്ലൂസുവിന്റെ ചോക്ക്ലേറ്റ് വീടാണ് സോഷ്യല് മീഡിയയിലെ ഇപ്പോഴത്തെ താരം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ