ന്യൂഡെല്‍ഹി: ഇന്ത്യന്‍ ക്രിക്കറ്റ് ടീം പരിശീലകനായി ചുമതലയേറ്റ രവിശാസ്ത്രിക്കു വാര്‍ഷിക ശമ്പളമായി ഏഴര കോടി രൂപയോളം ലഭിക്കും. അതേസമയം, സപ്പോര്‍ട്ടിങ് സ്റ്റാഫുകളായ ബോളിങ്, ബാറ്റിങ്, ഫീല്‍ഡിങ് പരിശീലകര്‍ക്കു പ്രതിവര്‍ഷം പരമാവധി രണ്ടര കോടി രൂപയോളമാകും പ്രതിഫലമായി ലഭിക്കുകക.
ടീം ഡയറക്ടര്‍ ചുമതല വഹിക്കുന്ന സമയത്തും രവിശാസ്ത്രിക്കു ഇത്രയും ശമ്പളം ലഭിച്ചിരുന്നു. പ്രതിവര്‍ഷം ഏഴു മുതല്‍ ഏഴര കോടി രൂപവരെയാണ് പരമാവധി പ്രതിഫലമായി ലഭിക്കുക. ഇന്ത്യന്‍ ടീമിന്റെ മുന്‍ പരിശീലകനായിരുന്ന അനില്‍ കുംബ്ലെ കഴിഞ്ഞ മെയില്‍ ക്രിക്കറ്റ് ബോര്‍ഡിനു നല്‍കിയ നിര്‍ദേശത്തില്‍ പരിശീലകന്റെ ശമ്പളം ഏഴു കോടി രൂപയാക്കണമെന്ന് വ്യക്തമാക്കിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
