മിയാമി: സീസണിലെ ആദ്യ എല്‍ ക്ലാസിക്കോയില്‍ ബാഴ്‌സലോണയ്ക്ക് ജയം. രണ്ടിനെതിരേ മൂന്ന് ഗോളുകള്‍ക്കാണ് റിയലിനെ ബാഴ്‌സ തോല്‍പ്പിച്ചത്. സൂപ്പര്‍ താരങ്ങളായ ക്രിസ്റ്റ്യാനോ റൊണാള്‍ഡോ, ടോണി ക്രൂസ് തുടങ്ങിയവരില്ലാതെയിറങ്ങിയ റിയലിനിതിരേ ബാഴ്‌സ മാനേജര്‍ ഏണസ്റ്റോ വല്‍വാഡെ ഏറ്റവും മികച്ച ടീമിനെയാണ് വിന്യസിച്ചത്.
ലയണല്‍ മെസ്സി, റാക്ടിച്ച്, പിക്വ എന്നിവരാണ് ബാഴ്‌സയ്ക്കു വേണ്ടി ലക്ഷ്യം കണ്ടത്. അതേസമയം, മാറ്റിയ കോവാക്കിച്ച്, അസെന്‍സിയോ എന്നീ യുവതാരങ്ങള്‍ റിയലിനു വേണ്ടി ലക്ഷ്യം കണ്ടു.
അടുത്ത മാസം നടക്കുന്ന സ്പാനിഷ് സൂപ്പര്‍ കപ്പിലും ഇന്റര്‍നാഷണല്‍ ചാംപ്യന്‍സ് കപ്പിലും ഇരു ടീമുകള്‍ നേര്‍ക്കുനേര്‍ വരും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
