ഫ്രഞ്ച് ഓപ്പണ്‍: വാവ്‌റിങ്ക, മുറെ ക്വാര്‍ട്ടറില്‍; മിക്‌സഡ് ഡബിള്‍സില്‍ സാനിയ സഖ്യം പുറത്ത്
By സമകാലിക മലയാളം ഡെസ്‌ക്ക്‌ | Published: 06th June 2017 03:26 PM |
Last Updated: 07th June 2017 12:46 AM | A+A A- |
പാരിസ്: ഫ്രഞ്ച് ഓപ്പണ്‍ പുരുഷ വിഭാഗം സിംഗിള്‍സില്‍ ആന്‍ഡി മുറെയ്ക്കും സ്റ്റാന്‍ വാവ്‌റിങ്കയും അവസാന എട്ടില്‍ ഇടം നേടി. 6-3, 6-4, 6-4 എന്ന സ്‌കോറിന് റഷ്യന്‍ താരം കരണ്‍ കാച്ചനോവിനെയാണ് മുറെ തോല്‍പ്പിച്ചത്. ഫ്രാന്‍സിന്റെ ഗെയിന്‍ മോണ്‍ഫില്‍സിനെ 7-5, 7-6(7), 6-2 എന്ന സ്‌കോറിന് തോല്‍പ്പിച്ചാണ് വാവ്‌റിങ്ക ക്വാര്‍ട്ടറിലെത്തിയത്.
മിക്‌സഡ് ഡബിള്‍സില്‍ സാനിയ മിര്‍സ-ഇവാന്‍ ഡോഡിഗ് സഖ്യത്തെ റോഹന്‍ ഭൊപ്പണ്ണ-ഗബ്രിയേല ഡബ്രൊസ്‌ക്കി സഖ്യമാണ് തോല്‍പ്പിച്ചത്. സാനിയ മിര്‍സയുടെ ഫ്രഞ്ച് ഓപ്പണ്‍ കാംപയിന്‍ ഇതോടെ പൂര്‍ത്തിയായി. 6-3, 6-4 എന്ന സ്‌കോറിനാണ് ഏഴാം സീഡിലുള്ള ഭൊപ്പണ്ണ സഖ്യം രണ്ടാം സീഡിലുള്ള സാനിയ സഖ്യത്തെ തോല്‍പ്പിച്ചത്.
