ലണ്ടന്‍: ഇംഗ്ലീഷ് ക്ലബ്ബ് ആഴ്‌സണല്‍ പരിശീലകന്‍ ആഴ്‌സണ്‍ വെംഗര്‍ ക്ലബ്ബില്‍ തുടരുമോ ഇല്ലയോ എന്ന് എഫ്എ കപ്പ് ഫൈനലിനു ശേഷം തീരുമാനമാകും. ഈ മാസം അവസാനത്തില്‍ ചെല്‍സിയുമായാണ് എഫ്എ കപ്പ് ഫൈനലില്‍ ആഴ്‌സണല്‍ ഏറ്റുമുട്ടുന്നത്. വെംഗര്‍ തന്നെയാണ് ഇക്കാര്യം വ്യക്തമാക്കിയത്.
ഈ സീസണ്‍ അവസാനം വരെയാണ് വെംഗര്‍ക്ക് ആഴ്‌സണലുമായി കരാറുള്ളത്. ടീമിന്റെ പ്രകടനം പ്രതീക്ഷയ്‌ക്കൊത്ത് ഉയരാത്ത സാഹചര്യത്തില്‍ പരിശീലക സ്ഥാനം ഈ സീസണോടെ വെംഗര്‍ വിടുമെന്ന് റിപ്പോര്‍ട്ടുകളുണ്ടായിരുന്നു.
നിലവില്‍ പോയിന്റ് പട്ടികയില്‍ അഞ്ചാം സ്ഥാനത്തുള്ള ആഴ്‌സണലിന് എവര്‍ട്ടണുമായാണ് അവസാന ലീഗ് പോരാട്ടം. എഫ്എ കപ്പ് ഫൈനലിനു ശേഷം നടക്കുന്ന ക്ലബ്ബിന്റെ ബോര്‍ഡ് യോഗത്തിലാകും വെംഗറുടെ ഭാവി തീരുമാനമാവുക.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
