വിജയം തുടര്ച്ചയാകുമ്പോള് ആഘോഷങ്ങളും തുടരുകയാണ് ഇന്ത്യന് ക്രിക്കറ്റ് ടീം. കഴിഞ്ഞ ദിവസം ഇന്ത്യന് ഓപ്പണര് ശിഖര് ധവാന്റെ വിവാഹ വാര്ഷികം ആഘോഷിക്കാനാണ് ഇന്ത്യന് സംഘം ഒത്തുകൂടിയത്. എല്ലാത്തിനും മുന്കൈ നായകന്റെ വക തന്നെ.
കോഹ് ലിയുടെ റെസ്റ്റോറന്റായ ന്യൂവയില് ചൊവ്വാഴ്ച വൈകീട്ടോടെയായിരുന്നു ആഘോഷങ്ങള്. കളിക്കാര്ക്കൊപ്പം പരിശീലകന് രവിശാസ്ത്രീയും ധവാന്റെ വിവാഹ വാര്ഷിക ആഘോഷങ്ങള്ക്കൊപ്പം കൂടി.
ജട്ട് ജിക്കും ഭാര്യ എയ്ഷയ്ക്കും ആശംസ നേര്ന്ന ന്യൂവയിലെ ആഘോഷ ചിത്രങ്ങള് കോഹ് ലി ആരാധകര്ക്ക് മുന്നിലേക്ക് വെച്ചു. പാപ്പരാസികള്ക്ക് കോഹ് ലി ഒരുക്കിയ ആഘോഷ പരിപാടികള് മണത്തറിയാന് സാധിച്ചില്ലെങ്കിലും ആ സമയം ന്യൂവയിലുണ്ടായിരുന്ന കസ്റ്റമേഴ്സിന് ഇന്ത്യന് ടീം അംഗങ്ങള്ക്കൊപ്പം സംസാരിക്കാന് ഒരു അവസരം വീണു കിട്ടി.
ന്യൂസിലാന്ഡിനെതിരായ ട്വിന്റി20 മത്സരത്തിന് ഒരുങ്ങുന്നതിന് ഇടയിലായിരുന്നു ആഘോഷമെന്നതിനാല് താരങ്ങളുടെ കുടുംബാംഗങ്ങള് എത്തിയിരുന്നില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ