ഉത്തരവാദിത്വങ്ങള്‍ കോഹ് ലിയെ ഓര്‍മിപ്പിച്ച് മാച്ച് റഫറി; മൈക്ക് ഡ്രോപ്പില്‍ താക്കീതെന്ന് സൂചന

ജോ റൂട്ടിനെ പുറത്താക്കിയതിന് ശേഷമുള്ള കോഹ് ലിയുടെ മൈക്ക് ഡ്രോപ്പ് ആഘോഷം ചര്‍ച്ചയായിരുന്നു
ഉത്തരവാദിത്വങ്ങള്‍ കോഹ് ലിയെ ഓര്‍മിപ്പിച്ച് മാച്ച് റഫറി; മൈക്ക് ഡ്രോപ്പില്‍ താക്കീതെന്ന് സൂചന

കളിക്കളത്തിലെ ഉത്തരവാദിത്വവും പെരുമാറ്റ രീതിയും ഇന്ത്യന്‍ നായകന്‍ വിരാട് കോഹ് ലിയെ ഓര്‍മിപ്പിച്ച് മാച്ച് റഫറി. ഇംഗ്ലണ്ടിനെതിരായ ആദ്യ ടെസ്റ്റിന്റെ മൂന്നാം ദിനം കോഹ് ലിയെ മാച്ച് റഫറി വിളിച്ചു വരുത്തിയതായാണ് റിപ്പോര്‍ട്ട്. 

ജോ റൂട്ടിനെ പുറത്താക്കിയതിന് ശേഷമുള്ള കോഹ് ലിയുടെ മൈക്ക് ഡ്രോപ്പ് ആഘോഷം ചര്‍ച്ചയായിരുന്നു. ഇന്ത്യക്കെതിരെ ഏകദിന പരമ്പര പിടിച്ചതിന് ശേഷം ജോ റൂട്ട് നടത്തിയ മൈക്ക് ഡ്രോപ്പ് ആഘോഷത്തിന് മറുപടി നല്‍കുകയായിരുന്നു ഇന്ത്യന്‍ നായകന്‍. 

എന്നാല്‍ മൈക്ക് ഡ്രോപ്പ് ആഘോഷം കോഹ് ലിയെ ചെറുതായൊന്ന് കുഴക്കിയെന്നാണ് റിപ്പോര്‍ട്ട്. ആദ്യ ടെസ്റ്റിന്റെ മൂന്നാം ദിനം കളി ആരംഭിക്കുന്നതിന് മുന്‍പ് മാച്ച് റഫറി ജെഫ് ക്രൗവുമായി കോഹ് ലി സംസാരിക്കുന്ന ദൃശ്യങ്ങള്‍ പുറത്തുവന്നതോടെയാണ് മാച്ച് റഫറി വിഷയത്തില്‍ ഇടപെട്ടുവെന്ന റിപ്പോര്‍ട്ടുകള്‍ പുറത്തുവന്നത്. 

ആദ്യ ടെസ്റ്റിന്റെ ആദ്യ ദിനം കളിക്കളത്തില്‍ കോഹ് ലിയുടെ ഭാഗത്ത് നിന്നുമുണ്ടായ പെരുമാറ്റമാണ് ഇവര്‍ക്കിടയില്‍ ചര്‍ച്ചയായത് എന്നാണ് സൂചന. എന്നാല്‍ ഇക്കാര്യത്തില്‍ സ്ഥിരീകരണം ഇപ്പോഴും വന്നിട്ടില്ല. കോഹ് ലിയും മാച്ച് റഫറിയും തമ്മിലുള്ള  അനൗദ്യോഗിക ചര്‍ച്ചയ്ക്ക് ഇടയില്‍ കോഹ് ലിയെ ഉത്തരവാദിത്വങ്ങള്‍ മാച്ച് റഫറി ഓര്‍മിപ്പിച്ചതായാണ് സ്‌കൈ സ്‌പോര്‍ട്‌സ് റിപ്പോര്‍ട്ട് ചെയ്യുന്നത്. കളിക്കളത്തില്‍ മോശം വാക്കുകള്‍ പ്രയോഗിക്കുന്നതില്‍ നിന്നും വിട്ടുനില്‍ക്കണം എന്ന് മാച്ച് റഫറി കോഹ് ലിയോട് നിര്‍ദേശിക്കുകയും ചെയ്തു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com