ജക്കാര്‍ത്ത: ഏഷ്യന്‍ ഗെയിംസില്‍ ഇന്ത്യയ്ക്ക് മൂന്നാം മെഡല്‍. 10 മീറ്റര്‍ എയര്‍ റൈഫിളില്‍ ദീപക് കുമാറാണ് വെള്ളിത്തിളക്കം ഇന്ത്യയ്ക്ക് സമ്മാനിച്ചത്. 626.3 പോയിന്റ് ആണ് ഷൂട്ടറായ ദീപക് നേടിയത്. 629.7 പോയിന്റ് നേടിയ കൊറിയയുടെ സുജു സോങാണ് സ്വര്‍ണം സ്വന്തമാക്കിയത്. ഇതേയിനത്തില്‍ പങ്കെടുത്ത ഇന്ത്യയുടെ രവി കുമാര്‍ നാലാം സ്ഥാനത്തേക്ക് പിന്തള്ളപ്പെട്ടു.
ഗുസ്തി പിടിച്ച് സ്വര്‍ണം നേടിയ ബജ്‌റംഗ് പുനിയയാണ് ഇന്ത്യയ്ക്ക് ഊര്‍ജ്ജം പകര്‍ന്നത്. മേളയുടെ രണ്ടാം ദിനമായ ഇന്ന് കൂടുതല്‍ മെഡലുകള്‍ ഇന്ത്യ ലക്ഷ്യമിടുന്നുണ്ട്. ഒളിമ്പ്യന്‍ സാക്ഷി മാലിക് ഇന്ന് കളത്തിലിറങ്ങും. ഇതിന് പുറമേ ആദ്യമെഡല്‍ ഇന്ത്യയ്ക്ക് സമ്മാനിച്ച അപൂര്‍വി ചാന്ദേല, രവികുമാര്‍ എന്നീ ഷൂട്ടര്‍മാര്‍ വ്യക്തിഗത ഇനങ്ങളില്‍ ഇന്നും മത്സരിക്കാനിറങ്ങുന്നുണ്ട്.
രാവിലെ തുടങ്ങിയ വനിതാ ബാഡ്മിന്റണില്‍ പി വി സിന്ധു വിജയത്തോടെ തുടങ്ങിയിട്ടുണ്ട്. ജാപ്പനീസ് താരം യമാഗുച്ചിയെ 21-18,21-19 എന്ന സ്‌കോറിലാണ് സിന്ധു പരാജയപ്പെടുത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
