ഏഷ്യന്‍ ഗെയിംസ് ബാഡ്മിന്റണ്‍ വനിതാ വിഭാഗം സിംഗിള്‍സില്‍ ഇന്ത്യയുടെ സൈന നെഹ് വാളിന് വെങ്കലം. സെമിയില്‍ ലോക ഒന്നാം നമ്പര്‍ താരം തായ് സു യിങ്ങിനോട് സൈന അടിയറവ് പറയുകയായിരുന്നു. സ്‌കോര്‍ 17-21, 14-21.
വെങ്കല നേട്ടത്തോടെ ബാഡ്മിന്റണ്‍ സിംഗിള്‍സില്‍ മെഡല്‍ നേടുന്ന ആദ്യ ഇന്ത്യന്‍ വനിതയായി സൈന. രണ്ടാം സെറ്റില്‍ സൈനയെ തോല്‍പ്പിക്കാന്‍ 17 മിനിറ്റ് മാത്രമാണ് തായ് സൂവിന് വേണ്ടിവന്നത്. സെമിയില്‍ പോരിനിറങ്ങുന്ന പി.വി.സിന്ധുവിലാണ് ഇനി ഇന്ത്യയുടെ പ്രതീക്ഷ. ജാവലിന്‍ ത്രോയില്‍ ഇന്ത്യയുടെ നീരജ് ചോപ്രയും സ്വര്‍ണം ലക്ഷ്യം വയ്ക്കുന്നുണ്ട്.
സൈനയുടെ വെങ്കല നേട്ടത്തോടെ ഇന്ത്യയുടെ മെഡല്‍ നേട്ടം 37ലേക്കെത്തി. ഇതില്‍ 20 വെങ്കലമാണ്. ഏഴ് സ്വര്‍ണവും 10 വെള്ളിയുമായി പോയിന്റ് ടേബിളില്‍ ഒന്‍പതാം സ്ഥാനത്താണ് ഇന്ത്യ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
