ഏഷ്യന് ഗെയിംസില് ബാഡ്മിന്റണ് വനിതാ വിഭാഗം സിംഗിള്സില് ഇന്ത്യയുടെ പി.വി.സിന്ധു ഫൈനലില്. ലോക രണ്ടാം നമ്പര് താരം യമഗുച്ചിയെ തകര്ത്താണ് സിന്ധുവിന്റെ കുതിപ്പ്. സ്കോര് 21-17, 15-21, 21-10.
ഇത് ആദ്യമായിട്ടാണ് വനിതാ വിഭാഗം സിംഗിള്സില് ഇന്ത്യന് താരം ഫൈനലില് കടക്കുന്നത്. ലോക ഒന്നാം നമ്പര് താരം തായ് സുവിനെയാണ് സിന്ധുവിന് ഫൈനലില് നേരിടേണ്ടത്. സൈനയുടെ പോരാട്ടത്തിന് തടയിട്ടതും തായ് സുവായിരുന്നു.
സെമിയില് തായ് സൂ തോല്പ്പിച്ചതോടെ സൈനയ്ക്ക് വെങ്കലം കൊണ്ട് തൃപ്തിപ്പെടേണ്ടി വന്നു. എന്നാല് സിന്ധുവിന് ലോക ഒന്നാം നമ്പര് താരത്തെ മറികടക്കാന് സാധിക്കുമെന്ന പ്രതീക്ഷയിലാണ് രാജ്യം. പ്രധാന ചാമ്പ്യന്ഷിപ്പുകളില് വെള്ളികൊണ്ട് തൃപ്തിപ്പെടേണ്ടി വരുന്ന അവസ്ഥ സിന്ധുവിന് ഇവിടെ മറികടക്കേണ്ടതുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ