മുംബൈ: ആസ്ട്രേലിയയെ കീഴടക്കി അണ്ടര്- 19 ലോകകപ്പ് നേടിയതിന് പിന്നാലെ തനിക്കുള്പ്പെടെ അനുവദിച്ച സമ്മാനത്തുകയില് വിവേചനം കാണിച്ചെന്ന് മുന് ഇന്ത്യന് താരവും പരിശീലകനുമായ രാഹുല് ദ്രാവിഡ്. തനിക്കും സപ്പോര്ട്ടിംഗ് സ്റ്റാഫിനും പ്രഖ്യാപിച്ച സമ്മാനത്തുകയില് എന്തിനാണ് വിവേചനമെന്ന് അദ്ദേഹം ചോദിച്ചു.
ലോകകപ്പ് കിരീടം നേടിയതിന് പിന്നാലെ ദ്രാവിഡിന് 50 ലക്ഷവും കളിക്കാര്ക്ക് ഓരോരുത്തര്ക്കും 30 ലക്ഷം വീതവും സപ്പോര്ട്ടിംഗ് സ്റ്റാഫിന് 20 ലക്ഷം രൂപം വീതവും ബി.സി.സി.ഐ പ്രഖ്യാപിച്ചിരുന്നു. ഇതാണ് ദ്രാവിഡിനെ പ്രകോപിപിച്ചത്. കിരീടം നേടുന്നതിനായി എല്ലാവരും ഒരു പോലെയാണ് പ്രയത്നിച്ചതെന്നും പിന്നെ എന്തിനാണ് സമ്മാനത്തുകയില് മാത്രം ഈ അന്തരമെന്നും അദ്ദേഹം ചോദിച്ചു. സപ്പോര്ട്ടിംഗ് സ്റ്റാഫിനായുള്ള സമ്മാനത്തുക വര്ദ്ധിപ്പിക്കണമെന്ന് ദ്രാവിഡ് ആവശ്യപ്പെട്ടതായും സൂചനയുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ