ഏഴ് കളികളില് നിന്നായി അഞ്ച് വിക്കറ്റും, 145 റണ്സും നേടിയാണ് ദക്ഷിണാഫ്രിക്കയില് ഇന്ത്യയുടെ ഓള് റൗണ്ടറായ ഹര്ദിക് പാണ്ഡ്യയുടെ കളി പുരോഗമിക്കുന്നത്. എന്നാല് ക്രിക്കറ്റ് മൈതാനത്തെ പ്രകടനത്തിന്റെ പേരിലല്ല പണ്ഡ്യ ഇപ്പോള് വാര്ത്തകളില് നിറയുന്നത്. ഹര്ദിക്കിന്റെ ഗേള്ഫ്രണ്ടിനെ ചൊല്ലിയാണ് അഭ്യൂഹങ്ങള് പരക്കുന്നത്.
ബോളിവുഡ് താരം എല്ലി അവ്റാമും ഹര്ദിക്കും തമ്മില് പ്രണയ ബന്ധത്തിലാണെന്നാണ് റിപ്പോര്ട്ടുകള് പ്രചരിച്ചത്. ജനുവരി 25ന് ശിഖര് ധവാന്റെ ഭാര്യ ഇന്സ്റ്റഗ്രാമിലൂടെ ഷെയര് ചെയ്ത ഫോട്ടോയില് രോഹിത് ശര്മ, ഭുവനേശ്വര് കുമാര്, രഹാനേ ഉള്പ്പെടെയുള്ളവരുടെ ഭാര്യമാര്ക്കൊപ്പം അവ്റാമും ഇടംപിടിച്ചതോടെയാണ് ഹര്ദിക്കിനേയും ബോളിവുഡ് താരത്തേയും യോജിപ്പിച്ച് വാര്ത്തകള് പരന്നത്.
എന്നാല് ഇങ്ങനെ പല അഭ്യൂഹങ്ങളും പ്രചരിക്കും അത് നിഷേധിക്കാനോ, തിരുത്താനോ ഒന്നും തനിക്ക് താത്പര്യം ഇല്ലെന്നായിരുന്നു അവ്റാമിന്റെ പ്രതികരണം. പ്രശസ്തരാകുമ്പോള് ഗോസിപ്പിനായി നമ്മുടെ പിന്നാലെ നിരവധി പേരുണ്ടാകും. എന്നാല് അത് പേടിച്ച് അടച്ചുപൂട്ടിയിരിക്കുകയല്ല ഞങ്ങള് ചെയ്യുക. അതുകൊണ്ട് തന്നെ ഇത്തരം ഗോസിപ്പുകള് പടരുന്നത് തടയാനാവില്ലെന്നും അവ്റാം പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ