ഇത്തവണ പിഴച്ചില്ല, സഞ്ജു ശക്തമായി തിരിച്ചെത്തി

അന്ന് 15.6 എന്ന പോയിന്റില്‍ സഞ്ജുവിന് തലനാരിഴയ്ക്ക് ഇംഗ്ലണ്ട് പര്യടനം നഷ്ടമാവുകയായിരുന്നു
ഇത്തവണ പിഴച്ചില്ല, സഞ്ജു ശക്തമായി തിരിച്ചെത്തി

യോയോ ടെസ്റ്റ് കടന്ന് മലയാളി താരം സഞ്ജു സാംസണ്‍. ഇംഗ്ലണ്ടിനെതിരായ എ ടിമില്‍ നിന്നും യോ യോ ടെസ്റ്റില്‍ പരാജയപ്പെട്ടതിനെ തുടര്‍ന്ന് സഞ്ജു പുറത്തായിരുന്നു. 

നാലാഴ്ച മുന്‍പായിരുന്നു അന്ന് സഞ്ജു യോ യോ ടെസ്റ്റിന് വിധേയമായത്. അന്ന് 15.6 എന്ന പോയിന്റില്‍ സഞ്ജുവിന് തലനാരിഴയ്ക്ക് ഇംഗ്ലണ്ട് പര്യടനം നഷ്ടമാവുകയായിരുന്നു. 

എന്നാല്‍ നാലാഴ്ചത്തെ വ്യത്യാസത്തില്‍ 17.3 പോയിന്റ് നേടി താന്‍ യോ യോ ടെസ്റ്റ് പാസായതായി സഞ്ജു തന്നെയാണ് ആരാധകരെ അറിയിച്ചത്. സഞ്ജുവിനൊപ്പം അന്ന് മുഹമ്മദ് ഷമിയും യോ യോ ടെസ്റ്റില്‍ പരാജയപ്പെട്ടിരുന്നു. എന്നാല്‍ ഷമിയും കഴിഞ്ഞ ദിവസം യോ യോ ടെസ്റ്റ് കടമ്പ പിന്നിട്ടിരുന്നു. 

ഇരുപത്തിമൂന്നുകാരനായ സഞ്ജുവിന് യോ യോ ടെസ്റ്റ് കടക്കാന്‍ കഴിയാതിരുന്നത് ഇന്ത്യന്‍ ക്രിക്കറ്റ് ലോകത്തെ ഞെട്ടിച്ചിരുന്നു. ഐപിഎല്ലില്‍ രാജസ്ഥാന്‍ റോയല്‍സിന് ഫിറ്റ്‌നസ് ട്രെയിനര്‍ ഇല്ലാതിരുന്നത് സഞ്ജുവിനെ ബാധിച്ചിട്ടുണ്ടാകാം എന്ന വിലയിരുത്തലുകളാണ് അന്ന് ഉയര്‍ന്നത്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com