ചാമ്പ്യന്സ് ലീഗ് ഫൈനലില് തങ്ങളെ പിന്നോട്ടടിച്ച ഗോള് കീപ്പര് കാരിയസിന്റെ ഭാവി ചോദ്യചിഹ്നമാക്കി അലിസണിനെ ആന്ഫീല്ഡിലേക്കെത്തിക്കാന് ലിവര്പൂള്. റോമയില് നിന്നും ആലിസണിനെ സ്വന്തമാക്കാന് 530 കോടി രൂപയുടെ ഡീലിനാണ് ലിവര്പൂള് സമ്മതിച്ചിരിക്കുന്നത്.
ലിവര്പൂളിന്റെ റെക്കോര്ഡ് ഓഫര് സ്വീകരിക്കണമോ, അതോ ചെല്സി മുന്നോട്ടു വയ്ക്കുന്ന ഓഫറിന് വേണ്ടി കാത്തിരിക്കണമോ എന്ന് ബ്രസീലിയന് ഗോള് കീപ്പര് ആലിസണിന് തീരുമാനിക്കാം. ആലിസണിന്റെ പ്രതികരണത്തിന് വേണ്ടി കാത്തിരിക്കുകയാണ് ലിവര്പൂള്.
ഗോള് കീപ്പര്ക്ക് ട്രാന്സ്ഫര് വിപണിയില് ലഭിക്കുന്ന ഏറ്റവും വലിയ ഓഫറാണ് ലിവര്പൂള് ഇരുപത്തിയഞ്ചുകാരനായ ആലിസണിന്റെ മുന്നില് വെച്ചിരിക്കുന്നത്. മറ്റ് ക്ലബുകളില് നിന്നും ആലിസണിന് വേണ്ടി താത്പര്യം ഉയര്ന്നിരുന്നു. എന്നാല് ലിവര്പൂള് ഇപ്പോള് മുന്നോട്ടു വെച്ചിരിക്കുന്ന തുകയേക്കാള് കൂടുതല് ഈ ക്ലബുകള് ആലിസണിന് മുന്നില് വയ്ക്കുമോ എന്നാണ് ഇനി അറിയേണ്ടത്. ജനുവരിയിലും ബ്രസീലിയന് ഗോള് കീപ്പര്ക്ക് വേണ്ടി ലിവര്പൂള് ട്രാന്സ്ഫര് വിപണിയില് ഇറങ്ങിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ