കോലാലംപൂര്‍; ഏഷ്യാകപ്പ് വനിതാ ട്വന്റി-20യില്‍ മലേഷ്യയ്‌ക്കെതിരേ ഇന്ത്യയ്ക്ക് തകര്‍പ്പന്‍ വിജയം. മലേഷ്യയെ 27 റണ്‍സില്‍ ഒതുക്കിയാണ് ഇന്ത്യന്‍ പെണ്‍പുലികള്‍ മിന്നും വിജയം നേടിയത്. ഇന്ത്യ ഉയര്‍ത്തിയ 170 റണ്‍സെന്ന വിജയലക്ഷ്യം പിന്തുടര്‍ന്ന മലേഷ്യ 27 റണ്‍സില്‍ എല്ലാവരും പുറത്തായി. 142 റണ്‍സിനായിരുന്നു ഇന്ത്യയുടെ വിജയം.
മൂന്ന് വിക്കറ്റ് നേടിയ പൂജ വസ്ത്രീക്കറും രണ്ട് വിക്കറ്റ് വീതം നേടിയ അനൂജ പീട്ടീലും പൂനം യാദവുമാണ് മലേഷ്യയെ എറിഞ്ഞു വീഴ്ത്തിയത്. മലേഷ്യന്‍ ടീമിലെ ആര്‍ക്കം രണ്ടക്കം കടക്കാനായില്ല. ടോസ് നേടിയ ബാറ്റിങ്ങ് തെരഞ്ഞെടുത്ത ഇന്ത്യ മിതാലി രാജിന്റെ മികവിലാണ് മികച്ച സ്‌കോറിലേക്കെത്തിയത്. 69 പന്തില്‍ 97 റണ്‍സാണ് മിതാലി നേടിയത്. കൂടാതെ ക്യാപ്റ്റന്‍ ഹര്‍മന്‍പ്രീത് കൗര്‍ 32 റണ്‍സെടുത്ത് മിതാലിക്ക് പിന്തുണ നല്‍കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
