നേപാളിനെ വീഴ്ത്തി കൗമാരക്കൂട്ടം; അണ്ടര്‍ 15 സാഫ് കപ്പില്‍ ഇന്ത്യക്ക് വെങ്കലം

മൂന്നാം സ്ഥാനക്കാരെ നിര്‍ണയിക്കുന്ന പോരാട്ടത്തില്‍ ഇന്ത്യ മറുപടിയില്ലാത്ത ഒരു ഗോളിന് നേപാളിനെ പരാജയപ്പെടുത്തി
നേപാളിനെ വീഴ്ത്തി കൗമാരക്കൂട്ടം; അണ്ടര്‍ 15 സാഫ് കപ്പില്‍ ഇന്ത്യക്ക് വെങ്കലം

കാട്മണ്ഠു: അണ്ടര്‍ 15 സാഫ് ഫുട്‌ബോള്‍ പോരാട്ടത്തില്‍ ഇന്ത്യക്ക് വെങ്കലം. മൂന്നാം സ്ഥാനക്കാരെ നിര്‍ണയിക്കുന്ന പോരാട്ടത്തില്‍ ഇന്ത്യ മറുപടിയില്ലാത്ത ഒരു ഗോളിന് നേപാളിനെ പരാജയപ്പെടുത്തി. 

കളി തുടങ്ങി 18ാം മിനുട്ടില്‍ വന്‍ലാല്‍റൗത്‌ഫെല നേടിയ ഗോളിലാണ് ഇന്ത്യ വിജയം ഉറപ്പിച്ചത്. പിന്നീട് ഇരു പക്ഷത്തിനും ഗോളുകള്‍ കണ്ടെത്താന്‍ കഴിഞ്ഞില്ല. നേപാളിന്റെ ഗോളടിക്കാനുള്ള ശ്രമങ്ങളെ സമര്‍ഥമായി തടയാന്‍ ഇന്ത്യന്‍ പ്രതിരോധ നിരയ്ക്ക് സധിച്ചു. 

നേരത്തെ നിലവിലെ ചാംപ്യന്‍മാര്‍ കൂടിയായ ഇന്ത്യ സെമി പോരാട്ടത്തില്‍ ബംഗ്ലാദേശിനോട് പരാജയപ്പെടുകയായിരുന്നു. പെനാല്‍റ്റി ഷൂട്ടൗട്ടില്‍ 4-2നായിരുന്നു ഇന്ത്യ അപ്രതീക്ഷിതമായി പരാജയം ഏറ്റുവാങ്ങിയത്. 

രണ്ടാം സെമിയില്‍ നേപാളിനെ പാക്കിസ്ഥാനാണ് തകര്‍ത്ത്. 4-2നായിരുന്നു ആതിഥേയര്‍ കൂടിയായ നേപാളിന്റെ പരാജയം. ഇന്ന് നടക്കുന്ന ഫൈനലില്‍ ബംഗ്ലാദേശ്- പാക്കിസ്ഥാന്‍ മത്സരം അരങ്ങേറും.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com