ക്രിക്കറ്റ് ലോകം കണ്ട ഏറ്റവും മികച്ച ഡെലിവറികളും, മോശം ഡെലിവറികളും ക്രിക്കറ്റ് പ്രേമികള്‍ മനസില്‍ സൂക്ഷിച്ച് വെച്ചിട്ടുണ്ടാകും. ആ കൂട്ടത്തിലേക്ക് ഇതാ മറ്റൊന്നു കൂടി, മോശം ഡെലിവറികളില്‍ ഒന്ന്.
റബാഡയുടെ കൈകളില്‍ നിന്നാണ് ആ വിചിത്ര ഡെലിവറി പിറന്നത്. ഓസ്‌ട്രേലിയയുടെ സൗത്ത് ആഫ്രിക്കയുടെ ട്വന്റി20 മത്സരത്തിന് ഇടയിലായിരുന്നു സംഭവം. റബാഡയുടെ കൈകളില്‍ നിന്നും തെറിച്ചുപോയ പന്ത് വന്ന വീണത് പോയിന്റ് ഫീല്‍ഡറുടെ അടുത്ത്.
മഴയെ തുടര്‍ന്ന് കളി പത്ത് ഓവറായി ചുരുക്കിയിരുന്നു. ഒന്‍പതാമത്തെ ഓവറിലായിരുന്നു ഈ സംഭവം. ഈ ബോളില്‍ അമ്പയര്‍ എന്ത് തീരുമാനം എടുക്കുമെന്നായിരുന്നു പിന്നെയുള്ള ആശങ്ക. കുറച്ച് നേരത്തെ സംഭാഷണത്തിന് ശേഷം അമ്പയര്‍ അത് ഡെഡ് ബോള്‍ എന്ന് വിധിച്ചു.
21 റണ്‍സിന് കളിയില്‍ സൗത്ത് ആഫ്രിക്ക ജയം പിടിച്ചു. ഓസ്‌ട്രേലിയയ്‌ക്കെതിരായ ഏകദിന പരമ്പര 2-1ന് സൗത്ത് ആഫ്രിക്ക സ്വന്തമാക്കിയതിന് പിന്നാലെയാണ് ട്വന്റി20യിലും അവര്‍ ജയം പിടിത്തുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
