ഹോ എന്തൊരു ഭം​ഗി; ഇവിടെ എത്തിയാൽ ആരായാലും പന്ത് തട്ടിപ്പോകും

എെലീ​ഗിന്റെ പുതിയ സീസൺ ഈ മാസം 26ന് തുടങ്ങാനിരിക്കേ അവർ പുതിയ പരിശീലന മൈതാനം ഉദ്ഘാടനം ചെയ്തു
ഹോ എന്തൊരു ഭം​ഗി; ഇവിടെ എത്തിയാൽ ആരായാലും പന്ത് തട്ടിപ്പോകും

ഷില്ലോങ് ലജോങിനും എെസ്വാളിനും പിന്നാലെ എെ ലീഗിലെത്തി മികച്ച ഫലങ്ങൾ സൃഷ്ടിച്ച് ശ്രദ്ധ നേടിയ വടക്കുകിഴക്കൻ ടീമാണ് നെരോക്ക എഫ്.സി. മണിപ്പൂരിൽ നിന്നുള്ള നെരോക്ക തങ്ങളുടെ ആദ്യ സീസണിൽ തന്നെ എെ ലീ​ഗിൽ രണ്ടാം സ്ഥാനത്തെത്തി നേട്ടവും സ്വന്തമാക്കിയിരുന്നു. എെലീ​ഗിന്റെ പുതിയ സീസൺ ഈ മാസം 26ന് തുടങ്ങാനിരിക്കേ അവർ പുതിയ പരിശീലന മൈതാനം ഉദ്ഘാടനം ചെയ്തു. 

തെക്കൻ ഇംഫാലിലെ ലോയിടങ് സാന്റെ ​ഗ്രാമത്തിലാണ് ക്ലബ് പുതിയ ട്രെയ്നിങ് ​ഗ്രൗണ്ട് തുറന്നത്. പ്രകൃതി മനോഹരമായ കാഴ്ചകൾ സമ്മാനിക്കുന്നതാണ് ഈ മൈതാനത്തനെ വ്യത്യസ്തമാക്കുന്നത്. പരിശീലനത്തിനെത്തുന്ന താരങ്ങൾക്ക് സ്വച്ഛമായ അന്തരീക്ഷം ആത്മവിശ്വാസമേകും. പ്രകൃതിയുടെ സ്വാഭാവികത തകർത്താതെ തന്നെയാണ് ​ഗ്രൗണ്ട് തയ്യാറാക്കിയിരിക്കുന്നത് എന്നതാണ് ശ്രദ്ധേയം.

ആരാധകരുടെ പ്രിയ ടീമായ നെരോക്കയുടെ ട്രെയിനിങ് കാണാൻ ഫുട്ബോൾ പ്രേമികൾ തടിച്ചുകൂടാറുണ്ട്. ഖുമാൻ ലമ്പക് സ്റ്റേഡിയത്തിൽ ആണ് നെരോക്ക ഐ ലീഗ് മത്സരങ്ങൾ കളിക്കുന്നത്. കൂടുതൽ കാണികളെ ഉൾക്കൊള്ളാൻ സാധിക്കുന്നതാണ് ഖുമാൻ ലമ്പക് സ്റ്റേഡിയം. ഏതാണ്ട് മുപ്പതിനായിരത്തിലധികം കാണികളെ ഉൾക്കൊള്ളാൻ സ്റ്റേഡിയത്തിന് കപ്പാസിറ്റിയുണ്ട്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com