സിഡ്നി: സര്ഫിങിനിടെ ഉണ്ടായ അപകടത്തില് മുന് ഓസ്ട്രേലിയന് ക്രിക്കറ്റ് താരം മാത്യൂ ഹെയ്ഡന് പരിക്ക്. കഴുത്തിനും തലയ്ക്കും പരിക്കേറ്റതായി ചിത്രം സഹിതം മാത്യൂ ഹെയ്ഡന് ഇന്സ്റ്റാഗ്രാമില് കുറിച്ചു.
ഓസ്ട്രലിയയില് സ്ട്രാഡ്ബ്രോക്ക് ദ്വീപില് മകന് ജോഷിന് ഒപ്പം സര്ഫിങ് നടത്തുന്നതിന് ഇടയിലാണ് സംഭവം. കഴുത്തിന് താഴെ നട്ടെല്ലിനും ലിഗ്മന്റിനും പരിക്കേറ്റിട്ടുണ്ട്. മണല്ത്തിട്ടയിലേക്ക് തെറിച്ചുവീണ മാത്യൂഹെയ്ഡിന്റെ നെറ്റിയിലും മുറിവുണ്ട്. തലനാരിഴയ്ക്ക് താന് രക്ഷപ്പെടുകയായിരുന്നുവെന്ന് മാത്യൂഹെയ്ഡന് ഇന്സ്റ്റാഗ്രാമില് കുറിച്ചു.
2009ല് രാജ്യാന്തര ക്രിക്കറ്റില് നിന്ന് വിരമിച്ച ഹെയ്ഡന് ഗുരുതര പരിക്കുകളില് നിന്ന് കഷ്ടിച്ച് രക്ഷപ്പെടുകയായിരുന്നുവെന്നാണ് റിപ്പോര്ട്ടുകള്. ഒരുമിച്ചുവന്ന തിരമാലകളില്പ്പെട്ട് തന്റെ നിയന്ത്രണം നഷ്ടപ്പെടുകയായിരുന്നുവെന്ന് മാത്യൂ ഹെയ്ഡന് ഓര്ക്കുന്നു. തിരമാലകളില്പ്പെട്ട് വെളളത്തില് മുങ്ങുന്നത് മാത്രമാണ് തനിക്ക് ഇപ്പോള് ഓര്മ്മയുളളുവെന്നും അദ്ദേഹം ഇന്സ്റ്റാഗ്രാമില് കുറിച്ചു.
ഒരുകാലത്ത് ഓസ്ട്രേലിയയുടെ മുന്നിര ബാറ്റ്സ്മാന്മാരില് ഒരാളായ മാത്യൂ ഹെയ്ഡിനെ കഴിഞ്ഞ വര്ഷം ഓസ്ട്രേലിയന് ക്രിക്കറ്റിലെ എക്കാലത്തെയും മികച്ച താരങ്ങളുടെ പട്ടികയില് ഉള്പ്പെടുത്തി ആദരിച്ചിരുന്നു.103 ടെസ്റ്റുകൡ ഓസ്ട്രേലിയന് ടീമിനായി ഈ 46 കാരന് ജഴ്സി അണിഞ്ഞിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ