എട്ട് മാസം നീണ്ട ഞങ്ങളുടെ ബന്ധത്തില്‍ ഒരിക്കല്‍ പോലും ക്രിസ്റ്റിയാനോയില്‍ നിന്നും മോശം പ്രവണത ഉണ്ടായില്ല. എന്നും മാന്യനാണ് ക്രിസ്റ്റ്യാനോ എന്നാണ് പോര്‍ച്ചുഗല്‍ താരത്തിനെതിരെ ലൈംഗീക ആരോപണം ഉയരുന്ന ഘട്ടത്തില്‍ താരത്തിന്റെ മുന്‍ കാമുകി പറയുന്നത്.
കിടപ്പറയില്‍ പോലും മാന്യനാണ് ക്രിസ്റ്റിയാനോ. എന്റെ പക്കല്‍ ഒരിക്കലും അഗ്രസീവ് ആയി ക്രിസ്റ്റ്യാനോ പെരുമാറിയിട്ടില്ല. മറ്റൊരാളുടെ അടുത്ത് അങ്ങിനെ പെരുമാറുന്നതും താന്‍ കണ്ടിട്ടില്ല. ഈ ആരോപണത്തില്‍ ക്രിസ്റ്റ്യാനോ നിരപരാധിയാണ് എന്ന് നൂറ് ശതമാനവും തനിക്ക് പറയാനാവുമെന്ന് മുന്‍ കാമുകി നെരീഡ ഗല്ലാര്‍ഡോ പറയുന്നു.
കേസുമായി ബന്ധപ്പെട്ട് ഇതുവരെ എന്നെ ആരും ബന്ധപ്പെട്ടിട്ടില്ല. ക്രിസ്റ്റ്യാനോയ്ക്ക് വേണ്ടി താരത്തിന് അനുകൂലമായി തെളിവുകള്‍ നല്‍കാന്‍ താന്‍ തയ്യാറാണ് എന്നും ഗല്ലാര്‍ഡോ പറയുന്നു. ലാസ് വേഗാസില്‍ വെച്ച് തന്നെ പീഡനത്തിന് ഇരയാക്കിയതായി കാതറിന്‍ മയോര്‍ഗ എന്ന യുവതി ആരോപിക്കുകയായിരുന്നു.
2009ല്‍ കോടതിക്ക് പുറത്ത് ക്രിസ്റ്റ്യാനോയും മയോര്‍ഗയും ഒത്തുതീര്‍പ്പില്‍ എത്തിയെങ്കിലും വര്‍ഷങ്ങള്‍ക്കിപ്പുറം വീണ്ടും ആരോപണം ഉയര്‍ന്നു വന്നു. ലാസ് വേഗാസ് പൊലീസ് ഇത് സംബന്ധിച്ച കേസില്‍ പുനരന്വേഷണം ആരംഭിക്കുകയും ചെയ്തിട്ടുണ്ട്. കേസില്‍ താന്‍ നിരപരാധിയാണ് എന്നാണ് ക്രിസ്റ്റ്യാനോ ആരോപണങ്ങള്‍ തള്ളി പറയുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
