യുഎസ് ഓപ്പണില്‍ കാലിടറാതെ ദ്യോക്യോവിച്ച്; സമ്മാന തുക ഫെഡററിനേക്കാള്‍ കൂടുതല്‍ ദ്യോക്യോവിച്ചിന്‌

ഫെഡറര്‍ ബഹുദൂരം മുന്നിലാണ് എങ്കിലും കിരീട നേട്ടത്തിലൂടെ ലഭിച്ച വരുമാനത്തില്‍ ഫെഡററെ ദ്യോക്യോവിച്ച് പിന്നിലേക്ക് തള്ളിയിരിക്കുകയാണ്
യുഎസ് ഓപ്പണില്‍ കാലിടറാതെ ദ്യോക്യോവിച്ച്; സമ്മാന തുക ഫെഡററിനേക്കാള്‍ കൂടുതല്‍ ദ്യോക്യോവിച്ചിന്‌

ന്യൂയോര്‍ക്ക്: മറ്റൊരു അട്ടിമറിക്ക് ദ്യോക്കോവിച്ച് അവസരം ഒരുക്കിയില്ല. യുഎസ് ഓപ്പണില്‍ ഓസ്‌ട്രേലിയന്‍ താരം ജോണ്‍ മില്‍മാനെ ആധിപത്യം ഉറപ്പിക്കാന്‍ ഒരു ഘട്ടത്തിലും അനുവദിക്കാതെ ദ്യോക്യോവിച്ച് തകര്‍ത്തു വിടുകയായിരുന്നു. 

ഏകപക്ഷീയമായ മൂന്ന് സെറ്റുകള്‍ക്കായിരുന്നു ദ്യോക്യോവിച്ചിന്റെ ജയം. കരുത്തു കാട്ടി ദ്യോക്യോവിച്ച് യുഎസ് ഓപ്പണ്‍ സെമിയിലേക്ക് കുതിച്ചതിന് പിന്നാലെ റോജര്‍ ഫെഡററെ പിന്നിലാക്കി മറ്റൊരു നേട്ടം കൂടി സെര്‍ബിയന്‍ താരം തന്റെ പേരിലാക്കിയിട്ടുണ്ട്. 

ഗ്രാന്‍ഡ് സ്ലാമുകളുടെ എണ്ണത്തില്‍ ഫെഡറര്‍ ബഹുദൂരം മുന്നിലാണ് എങ്കിലും കിരീട നേട്ടത്തിലൂടെ ലഭിച്ച വരുമാനത്തില്‍ ഫെഡററെ ദ്യോക്യോവിച്ച് പിന്നിലേക്ക് തള്ളിയിരിക്കുകയാണ്. അത് എങ്ങിനെ സംഭവിച്ചു എന്നല്ലേ?  2010 മുതല്‍ നാല് ഗ്രാന്‍ഡ് സ്ലാമുകളിലേയും സമ്മാന തുക ഒരു മില്യണ്‍ യൂറോയ്ക്ക് മുകളിലേക്ക് ഉയര്‍ത്തിയിരുന്നു. 

ദ്യോക്യോവിച്ച് തന്റെ 14 ഗ്രാന്‍ഡ് സ്ലാമുകളില്‍ 13 എണ്ണവും നേടിയത് ഈ സമ്മാന തുക ഉയര്‍ത്തിയതിന് ശേഷമാണ്. 2011നും 2016നും ഇടയില്‍ 22 ഗ്രാന്‍ഡ് സ്ലാമുകളില്‍ 11ല്‍ ദ്യോക്യോവിച്ച് ജയിച്ചപ്പോള്‍ ഒരെണ്ണത്തില്‍ മാത്രമാണ് ഫെഡറര്‍ക്ക് ജയിക്കാനായത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com