സൂറിച്ച്: 2022ലെ ഖത്തര്‍ ലോകകപ്പിന്റെ തിയതികളില്‍ തീരുമാനമായി. പതിവിന് വിപരീതമായി നടത്തപ്പെടുന്ന ലോകകപ്പെന്ന നിലയില്‍ നേരത്തെ തന്നെ ശ്രദ്ധ നേടിയ ഖത്തര്‍ ലോകകപ്പ് നവംബര്‍ 21 മുതല്‍ ഡിസംബര്‍ 18 വരെയാണ് അരങ്ങേറുക. തിയതികള്‍ സംബന്ധിച്ച് ഫിഫ തലവന്‍ ജിയോവാനി ഇന്‍ഫാന്റിനോ സ്ഥിരീകരണം നല്‍കിയിട്ടുണ്ട്.
സാധാരണയായി ജൂണ്‍, ജൂലൈ മാസങ്ങളിലാണ് ഇതുവരെ ലോകകപ്പ് പോരാട്ടങ്ങള്‍ നടത്തിയിരുന്നത്. എന്നാല്‍ ഈ സമയത്ത് ഖത്തറില്‍ കഠിനമായ ചൂടായിരിക്കും എന്നതിനാലാണ് മത്സരം നവംബര്‍, ഡിസംബര്‍ മാസത്തേക്ക് മാറ്റിയത്.
അതേസമയം ടീമുകളുടെ എണ്ണം 32 തന്നെയാണോ അതോ 48ആയി ഉയര്‍ത്തുമോ എന്ന് തീരുമാനിച്ചിട്ടില്ല. കുറച്ച് മാസങ്ങള്‍ക്കുള്ളില്‍ ഇക്കാര്യത്തില്‍ ഉചിതമായ തീരുമാനം കൈക്കൊള്ളുമെന്ന് ഇന്‍ഫാന്റിനോ വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
