ഇന്ത്യ കളിക്കുന്നില്ലെങ്കിലും ഇന്ത്യക്കാര്‍ ലോക കപ്പ് ആവേശം ഒരുപിടി പോലും കുറയ്ക്കുന്നില്ല. നമ്മളോട് ഒരു ബന്ധം പോലും ഇല്ലാത്ത രാജ്യങ്ങള്‍ നമ്മുടെ പ്രിയപ്പെട്ടവരാകും.
പക്ഷേ ഫ്രാന്‍സ് ലോക കിരീടം ചൂടിയതിന് മാഹിക്ക് അവധി ചോദിച്ച് ചിലരെത്തിയിരുന്നു. മുന്‍ ഫ്രഞ്ച് പ്രവിശ്യയാണല്ലോ...മാഹിക്ക് പൊതു അവധി ചോദിച്ചുള്ള ട്രോളുകള്‍ വരുന്നതിന് ഇടയില്‍ പോണ്ടിച്ചേരിയിലും അത് തന്നെയായിരുന്നു കഥ.
അവിടെ പുതുച്ചേരി ലഫ്‌നന്റ് ഗവര്‍ണര്‍ കിരണ്‍ ബേദി തന്നെയായിരുന്നു ഫ്രാന്‍സിന്റെ ജയം പുതുച്ചേരിയുടേതുമായി കൂട്ടിയിണക്കിയത്. ഞങ്ങള്‍ പുതുച്ചേരിക്കാര്‍(മുന്‍ ഫ്രഞ്ച് പ്രവിശ്യ)ലോക കപ്പ് ജയിച്ചിരിക്കുന്നു എന്നായിരുന്നു കിരണ്‍ ബേദിയുടെ ട്വീറ്റ്.
നമ്മള്‍ ഇന്ത്യക്കാരാണ് എന്നാണ് പലരും കിരണ്‍ ബേദിയെ ഓര്‍മപ്പെടുത്തുന്നത്. ദേശവിരുദ്ധ ട്വീറ്റാണ് ഇതെന്നും, ഇത് ഡിലീറ്റ് ചെയ്യണം എന്നും ചിലര്‍ ആവശ്യപ്പെട്ടു കഴിഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
