സോച്ചി: ഞെട്ടിക്കുന്ന ഗോളിലൂടെ ആദ്യപ്രഹരം നല്കിയ സ്വീഡന് തിരിച്ചടി നല്കി ജര്മനി. 52ാം മിനിറ്റില് റൂയിസാണ് സമനില ഗോള് നേടിയത്. ഗോമസ് നല്കിയ പാസ് റൂയിസ് ലക്ഷ്യസ്ഥാനത്തെത്തിക്കുകയായിരുന്നു. 32ാം മിനിറ്റില് ടോയ് വോനിന്റെ ഗോളിലാണ് സ്വീഡന് ലീഡ് നേടിയത്. ക്ലേസിന്റെ പാസില് ജര്മന് പ്രതിരോധ നിരയെ നിഷ്പ്രഭമാക്കിയായിരുന്നു ടോയ്വോനന്റെ ലോബ് ഗോള്. ജര്മനിയുടെ ആക്രമണങ്ങള് പ്രതിരോധിച്ചാണ് സ്വീഡന് തുടങ്ങിയത്. എന്നാല് പിന്നീട് ജര്മനിയെ പ്രതിരോധത്തിലാക്കി ആക്രമണം അഴിച്ചുവിടുകയായിരുന്നു.
24-ാം മിനിറ്റില് ജര്മന് താരം സെബാസ്റ്റിയന് റൂഡിക്ക് പരിക്കേറ്റു കളത്തിന് പുറത്തേക്ക് പോയി. പന്ത് നിയന്ത്രണവിധേയമാക്കാന് ശ്രമിക്കുന്നകതിനിടെ സ്വീഡിഷ് താരത്തിന്റെ ബൂട്ട് തട്ടി റൂഡിക്ക് മൂക്കിന് പരിക്കേല്ക്കുകയായിരുന്നു. ചോരയൊലുപ്പിച്ചു കിടന്ന റൂഡിയെ കളത്തിന് പുറത്തേക്ക് മാറ്റി. പരിക്ക് ഗുരുതരമായതിനെത്തുടര്ന്ന് സെബാസ്റ്റ്യന് റൂഡിയെ പിന്വലിച്ചു.
പ്രതിരോധത്തിലെ ജര്മനിയുടെ ദൗര്ബല്യങ്ങള് തുറന്നുകാട്ടി സ്വീഡന് ആക്രമിക്കുന്നു. മാര്ക്കസ് ബര്ഗിന്റെ ഒറ്റയാന് മുന്നേറ്റം പെനല്റ്റി സംശയിക്കാവുന്ന ഫൗളില് അവസാനിച്ചു. ബോട്ടെങ്ങിനും ഗോള്കീപ്പര് മാനുവല് ന്യൂയറിനും ഇടയില് ഞെരുങ്ങി ബര്ഗിന്റെ ഓട്ടം പിഴയ്ക്കുന്നു. സ്വീഡിഷ് താരങ്ങള് വിഡിയോ അസിസ്റ്റന്റ് റഫറി സംവിധാനത്തിന്റെ സഹായം ആവശ്യപ്പെട്ടെങ്കിലും റഫറി താല്പര്യം കാട്ടിയില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ