നന്തന്കോട്: തിരുവനന്തപുരം നന്ദന്കോട് ഒരു കുടുംബത്തിലെ നാല് പേരെ
വീടിനുള്ളില് മരിച്ചനിലയില് കണ്ടെത്തി. ക്ലിഫ് ഹൗസിന് സമീപം താമസിച്ചിരുന്ന ഡോക്റ്ററിനേയും കുടുംബത്തേയുമാണ് കത്തിക്കരിഞ്ഞ നിലയില് കണ്ടെത്തിയത്.
ഡോക്ടര് ജീന് പദ്മ, രാജാ തങ്കം, ലളിതാ ജീന് എന്നിവരാണ് മരിച്ചത്. കത്തിക്കരിഞ്ഞ നിലയിലായിരുന്നു മൂന്ന് മൃതദേഹങ്ങളെന്നും, കുളിമുറിയില് ചാക്കില് പൊതിഞ്ഞ നിലയിലായിരുന്നു മറ്റൊരു മൃതദേഹമെന്നും പൊലീസ് വ്യക്തമാക്കി. കൊലപാതകമാണെന്നാണ് പൊലീസിന്റെ പ്രാഥമിക നിഗമനം.
വീടിനുള്ളില് നിന്നും പുക ഉയരുന്നത് ശ്രദ്ധയില്പ്പെട്ടതിനെ തുടര്ന്ന് നാട്ടുകാര് പൊലീസിനെ വിവരമറിയിക്കുകയായിരുന്നു. പൊലീസ് എത്തി പരിശോധിച്ചപ്പോഴാണ് വീടിനുള്ളില് മൃതദേഹങ്ങള് കത്തിക്കരിഞ്ഞ നിലയില് കണ്ടെത്തിയത്. വീടിന് സമീപത്തു നിന്നും മഴു, വെട്ടുകത്തി അടക്കമുള്ള സാധനങ്ങളും കണ്ടെത്തിയിട്ടുണ്ട്. കൊലപാതകം നടത്തിയതിന് ശേഷം വീട് കത്തിക്കുകയായിരുന്നിരിക്കാം ആക്രമികളുടെ ലക്ഷ്യമെന്നും പൊലീസ് കരുതുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ