സംസ്ഥാനത്ത് വൈദ്യുതി നിരക്ക് വര്‍ധിപ്പിച്ചു; പുതുക്കിയ വൈദ്യുതി നിരക്ക് നാളെ മുതല്‍

സംസ്ഥാനത്ത് വൈദ്യുതി നിരക്ക് വര്‍ധിപ്പിച്ചു. നാളെ മുതല്‍ പുതുക്കിയ നിരക്ക് നിലവില്‍ വരും.
സംസ്ഥാനത്ത് വൈദ്യുതി നിരക്ക് വര്‍ധിപ്പിച്ചു; പുതുക്കിയ വൈദ്യുതി നിരക്ക് നാളെ മുതല്‍

തിരുവനന്തപുരം: സംസ്ഥാനത്ത് വൈദ്യുതി നിരക്ക് വര്‍ധിപ്പിച്ചു. നാളെ മുതല്‍ പുതുക്കിയ നിരക്ക് നിലവില്‍ വരും. 40 യൂണിറ്റില്‍ താഴെ ഉപയോഗിക്കുന്നവരെ നിരക്ക് വര്‍ധനവില്‍ നിന്ന് ഒഴിവാക്കിയിട്ടുണ്ട്. ഗാര്‍ഹിക, വ്യാവസായിക ഉപഭോക്താക്കളെയായിരിക്കും വര്‍ധനവ് കാര്യമായി ബാധിക്കുക.

യൂണിറ്റിന് 10 മുതല്‍ 30 പൈസ വരെ കൂട്ടാനാണ് റഗുലേറ്ററി കമ്മിഷന്‍ യോഗത്തില്‍ തീരുമാനമായിരിക്കുന്നത്. വൈദ്യുതി നിരക്ക് കൂട്ടുന്നതുമായി ബന്ധപ്പെട്ട ശുപാര്‍ശകള്‍ നേരത്തേ കമ്മീഷന്‍ തയാറാക്കിയിരുന്നു. എന്‍ഡോസള്‍ഫാന്‍ ദുരിതബാധിതര്‍ക്ക് പരമാവധി കുറഞ്ഞ നിരക്കില്‍ വൈദ്യുതി നല്‍കും. 

0-50 യൂണിറ്റ് വരെ 10 പൈസയും 50-100 യൂണിറ്റ് വരെ 20 പൈസയും കൂടുതല്‍ ഈടാക്കും. 100 യൂണിറ്റില്‍ കൂടുതല്‍ ഉപയോഗിക്കുന്നവര്‍ക്ക് 30 പൈസയും കൂട്ടാനാണ് കമ്മീഷന്‍ നിര്‍ദേശിച്ചിട്ടുള്ളത്. ഇതോടെ വൈദ്യുതി ബോര്‍ഡിനു പ്രതിവര്‍ഷം 500-550 കോടി രൂപ അധികം ലഭിക്കും. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com