തിരുവനന്തപുരം: ബസ് ചാര്ജ് വര്ദ്ധിപ്പിക്കുന്നതുള്പ്പെടെ ആവശ്യങ്ങളുന്നയിച്ച് ഈ മാസം 18ന് സ്വകാര്യ ബസുടമകള് പണിമുടക്കുന്നു. പണിമുടക്കിന് ശേഷവും ആവശ്യങ്ങള് അംഗീകരിച്ചില്ലെങ്കില് സെപ്റ്റംബര് 14 മുതല് അനിശ്ചിതകാല പണിമുടക്കിലേക്ക് നീങ്ങുമെന്നാണ് എട്ടോളം സംഘടനകള് ചേര്ന്ന െ്രെപവറ്റ് ബസ് ഓപ്പറേറ്റേഴ്സ് കോണ്ഫെഡറേഷന് വാര്ത്താസമ്മേളനത്തില് അറിയിച്ചത്.
വിദ്യാര്ത്ഥികളുടേതുള്പ്പെടെ യാത്രാനിരക്ക് വര്ദ്ധിപ്പിക്കുക, ദീര്ഘദൂര സ്വകാര്യ ബസ് പെര്മിറ്റുകള് റദ്ദാക്കിയത് പിന്വലിക്കുക, സ്റ്റേജ് ക്യാരേജുകളുടെ വര്ദ്ധിപ്പിച്ച റോഡ് ടാക്സ് പിന്വലിക്കുക, പെട്രോളിയം ഉല്പ്പന്നങ്ങളെ ചരക്കുസേവന നികുതിയുടെ പരിധിയില് കൊണ്ടുവരുക, ഇന്ഷുറന്സ് പ്രീമിയം കൂട്ടിയത് പിന്വലിക്കുക തുടങ്ങിയ ആവശ്യങ്ങളാണ് ബസുടമകള് മുന്നോട്ടു വയ്ക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ