ദിലീപ് ഒരു നല്ല നടന്‍ പോലും അല്ലെന്ന് ജി സുധാകരന്‍; ദിലീപിന്റെ സിനിമകള്‍ നിലവാരമില്ലാത്തത്

ദിലീപ് അവതരിപ്പിച്ച കഥാപാത്രങ്ങള്‍ പ്രേക്ഷകരുടെ മനസില്‍ തങ്ങി നില്‍ക്കുന്നവയല്ല
ദിലീപ് ഒരു നല്ല നടന്‍ പോലും അല്ലെന്ന് ജി സുധാകരന്‍; ദിലീപിന്റെ സിനിമകള്‍ നിലവാരമില്ലാത്തത്

കൊച്ചി: നടി ആക്രമിക്കപ്പെട്ട കേസില്‍ ആലുവ സബ്ജയിലില്‍ കഴിയുന്ന നടന്‍ ദിലീപിനെതിരെ വിമര്‍ശനവുമായി മന്ത്രി ജി.സുധാകരന്‍. ദിലീപ് ഒരു നല്ല നടന്‍ പോലും അല്ലെന്ന് സുധാകരന്‍ പറഞ്ഞു. 

നിലവാരമില്ലാത്തവയാണ് ദിലീപ് ചിത്രങ്ങള്‍. ദിലീപ് അവതരിപ്പിച്ച കഥാപാത്രങ്ങള്‍ പ്രേക്ഷകരുടെ മനസില്‍ തങ്ങി നില്‍ക്കുന്നവയല്ല. കലാമൂല്യമുള്ള സിനിമകളില്‍ ദിലീപ് അഭിനയിച്ചിട്ടില്ല. അതുകൊണ്ടാണ് കോടതിയിലേക്ക് കൊണ്ടുവരുമ്പോള്‍ ദിലീപിന്റെ നേര്‍ക്ക് ആളുകള്‍ കൂകി വിളിക്കുന്നതെന്നും മന്ത്രി പറഞ്ഞു. 

പൊലീസ് അസോസിയേഷന്റെ സംസ്ഥാന സമ്മേളനത്തിലായിരുന്നു മന്ത്രിയുടെ വിമര്‍ശനം. ദിലീപിനെ വിമര്‍ശിച്ചത് കൂടാതെ മലയാളത്തിലെ പുതുമുഖ താരങ്ങള്‍ക്ക് നേരെയും അദ്ദേഹം പ്രതികരിച്ചു. ആദ്യ ചിത്രം കഴിയുമ്പോഴേക്കും പലരും സ്വയം മറന്നാണ് പ്രവര്‍ത്തിക്കുന്നതെന്ന് സുധാകരന്‍ പറഞ്ഞു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com