മലപ്പുറം: ഒരേ ക്ലാസില് പഠിക്കുന്ന കുട്ടികള്ക്ക് രണ്ട് തരത്തിലുള്ള യൂണിഫോം തയാറാക്കിയ സംഭവം വിദ്യാഭ്യാസ വകുപ്പ് അന്വേഷിക്കുന്നു. മലപ്പുറം പാണ്ഡിക്കാട് അല് ഫറൂഖ് ഇംഗ്ലീഷ് മീഡിയം സ്കൂളിലാണ് ഒരു ക്ലാസില് തന്നെയുള്ള പഠനമികവ് പുലര്ത്തുന്ന കുട്ടികള്ക്കും പഠിക്കാത്ത കുട്ടികള്ക്കും വെവ്വേറെ യൂണിഫോമുകള് തയാറാക്കിയത്.
യൂണിഫോമില് തിരിവ് വേണ്ടന്ന് കുട്ടികളും മാതാപിതാക്കളും ആവശ്യപ്പെട്ടിട്ടും ഇത് മാറ്റാന് മാനേജ്മെന്റ് തയാറായില്ല. ഇത്തരത്തിലുള്ള വേര്തിരിവ് കുട്ടികളില് കൂടുതല് മാനസിക സംഘര്ഷങ്ങള്ക്ക് വഴിവയ്ക്കുന്നതിനാല് യൂണിഫോമില് തുല്യത വരുത്തണമെന്ന് ചൈല്ഡ് ലൈനും അറിയിച്ചിരുന്നു. എന്നാല് സ്കൂള് അധികൃതര് തങ്ങളുടെ നിലപാടില് തന്നെ ഉറച്ച് നില്ക്കുകയായിരുന്നു.
എന്നാല് സംഭവം വിവാദമായതോടെ വിദ്യാഭ്യാസ വകുപ്പ് അന്വേഷണത്തിനായി വിദഗ്ധ സമിതിയെ നിയോഗിക്കുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ