തന്നെ സിനിമകളില് അഭിനയിപ്പിക്കാതിരിക്കാന് മലയാള സിനിമയിലെ ഒരു നടന് ശ്രമിക്കുന്നു എന്ന് താന് പറഞ്ഞത് ദിലീപിനെക്കുറിച്ചല്ലെന്ന് നടി ഭാമ. ഒരു വാരികയ്ക്ക് നല്കിയ അഭിമുഖത്തില് ഭാമ പറഞ്ഞതിന്റെ ചില പ്രസക്ത ഭാഗങ്ങള് തെറ്റിദ്ധാരണ പരത്തുകയും അത് ദിലീപാണ് എന്ന തരത്തില് പ്രചാരണം നടക്കുകയും ചെയ്ത സാഹചര്യത്തിലാണ് വിശദീകരണവുമായി നടി രംഗത്തെത്തിയിരിക്കുന്നത്. തന്റെ ഫേസ്ബുക്ക് പോസ്റ്റിലൂടെയാണ് ഭാമ ഇക്കാര്യം വ്യക്തമാക്കിയിരിക്കുന്നത്.
പോസ്റ്റിന്റെ പൂര്ണ്ണരൂപം:
എല്ലാവര്ക്കും നമസ്കാരം,
ഇപ്പോള് പ്രചരിച്ചുകൊണ്ടിരിക്കുന്ന ഒരു വാര്ത്തയുടെ സത്യാവസ്ഥ നിങ്ങളെ ബോധ്യപ്പെടുത്തുവാന് വേണ്ടി മാത്രമാണ് ഇപ്പോള് ഇങ്ങനെയൊരു പോസ്റ്റ് ഇടുന്നത്.
പ്രമുഖ വാരികയ്ക്ക് ഞാന് നല്കിയ ഇന്റര്വ്യൂ വിലെ ചില പ്രസക്തഭാഗങ്ങള് ആണ് എല്ലാവര്ക്കും തെറ്റിധാരണ നല്കാന് കാരണമായതെന്ന് ഞാന് കരുതുന്നു. 'പ്രസ്തുത വാരികയ്ക്ക് നല്കിയ അഭിമുഖത്തില് പറഞ്ഞ വ്യക്തി നടന് ദിലീപ് അല്ല എന്ന് ആദ്യമേ പറഞ്ഞുകൊള്ളട്ടെ'.ഒരാഴ്ച മുന്പ് മറ്റൊരു മാധ്യമത്തില് മുതിര്ന്ന പത്രലേഖകന് എഴുതിയ റിപ്പോര്ട്ടുമായി,എനിക്ക് യാതൊരുവിധ ബന്ധവുമില്ലായെന്നും ഇപ്പോള് ഞാന് നല്കിയ അഭിമുഖത്തിലെ വാക്കുകള് ബന്ധിപ്പിച്ചു വാര്ത്തകള് വളച്ചൊടിക്കരുതെന്നും അഭ്യര്ത്ഥിക്കുന്നു.
സ്നേഹത്തോടെ,
ഭാമ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ