മന്ത്രി തോമസ് ചാണ്ടിയുടെ റിസോര്‍ട്ടിന് പൊലീസ് കാവല്‍; കരയിലും കായലിലുമായി നിരീക്ഷണം

20 പൊലീസുകാരെയാണ് ലേക്ക് പാലസ് റിസോര്‍ട്ടിന്റെ കാവലിനായി നിയോഗിച്ചിരിക്കുന്നത്
മന്ത്രി തോമസ് ചാണ്ടിയുടെ റിസോര്‍ട്ടിന് പൊലീസ് കാവല്‍; കരയിലും കായലിലുമായി നിരീക്ഷണം

നിയമലംഘനം നടന്നിട്ടുണ്ടെന്ന് ആരോപണം നേരിടുന്ന മന്ത്രി തോമസ് ചാണ്ടിയുടെ റിസോര്‍ട്ടിന് പൊലീസ് കാവല്‍. 20 പൊലീസുകാരെയാണ് ലേക്ക് പാലസ് റിസോര്‍ട്ടിന്റെ കാവലിനായി നിയോഗിച്ചിരിക്കുന്നത്. 

കരയിലും കായലിലുമായിട്ടാണ് പൊലീസ് നിരീക്ഷണം.ആലപ്പുഴ നോര്‍ത്ത് എസ്‌ഐയുടെ നിര്‍ദേശപ്രകരമാണ് സുരക്ഷ ഒരുക്കിയിരിക്കുന്നതെന്നാണ് വിശദീകരണം. റിസോര്‍ട്ടിന് മുന്നിലൂടെയുള്ള യാത്രയ്ക്കും പൊലീസ് നിയന്ത്രണങ്ങളേര്‍പ്പെടുത്തിയെന്നാണ് റിപ്പോര്‍ട്ട്.

റിസോര്‍ട്ടിന്റെ അഞ്ച് ഗേറ്റുകളിലും പൊലീസ് സുരക്ഷ ഒരുക്കിയിട്ടുണ്ട്. കായലില്‍ രണ്ട് ബോട്ടുകളിലായാണ് നിരീക്ഷണം. പ്രത്യേക ആവശ്യം വന്നാല്‍ ഉപയോഗിക്കുന്നതിനായി മൂന്ന് ബോട്ടുകള്‍ സജ്ജമാക്കി നിര്‍ത്തിയിട്ടുമുണ്ട്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com