സ്വകാര്യത മൗലികാവകാശമാണെന്ന സുപ്രിംകോടതി വിധി സ്വാഗതാര്ഹമാണെന്ന് മുഖ്യമന്ത്രി പിണറായി വിജയന്. ജനങ്ങളുടെ
മൗലികാവകാശം കവര്ന്നെടുക്കാന് ശ്രമിക്കുന്ന കേന്ദ്രസര്ക്കാരിനുള്ള മറുപടിയാണിതെന്നും അദ്ദേഹം പറഞ്ഞു. ഈ വിധിയില് കേരള സര്ക്കാരിന് പ്രത്യേകം സന്തോഷിക്കാന് അര്ഹതയുണ്ടെന്നും മുഖ്യമന്ത്രി കൂട്ടിചേര്ത്തു.
ഭരണഘടനാബെഞ്ചിന്റെ വിധിയുടെ വെളിച്ചത്തില് സര്ക്കാര് സേവനങ്ങള്ക്കും ആനുകൂല്യങ്ങള്ക്കും ആധാര് അടിച്ചേല്പ്പിക്കുന്ന നിലപാടില് നിന്ന് കേന്ദ്രസര്ക്കാര് പിന്വാങ്ങുമെന്ന് പ്രതീക്ഷിക്കുന്നുവെന്നും മുഖ്യമന്ത്രി പറഞ്ഞു. ആധാറിന് വേണ്ടി ശേഖരിക്കുന്ന വ്യക്തിപരമായ വിവരങ്ങള് കൈകാര്യം ചെയ്യുന്നത് വിദേശ കമ്പനികളും സ്വകാര്യ കുത്തക കമ്പനികളുമാണ്. ഈ കമ്പനികള് വ്യക്തികളുടെ സ്വകാര്യ വിവരങ്ങള് ദുരുപയോഗിക്കാന് വലിയ സാധ്യതയുണ്ട്. ഇത്തരം ദുരുപയോഗം സ്വകാര്യതക്കുളള മൗലികാവകാശം നിഷേധിക്കലാണെന്നും മുഖ്യമന്ത്രി ഫേസ്ബുക്കിലൂടെ വ്യക്തമാക്കി.
മുഖ്യമന്ത്രിയുടെ ഫേസ്ബുക്ക് പോസ്റ്റിന്റെ പൂര്ണ്ണരൂപം
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ