തിരുവനന്തപുരം: ആല്‍മരത്തിലൂടെ വനിതാ ജയിലിലേക്ക് ഊര്‍ന്നിറങ്ങിയ യുവാവിനെ പൊലീസ് പിടികൂടി. അട്ടക്കുളങ്ങര കെഎസ്ആര്‍ടിസി ഗാരേജ് പരിസരത്തെ ആല്‍മരത്തിലൂടെ വനിതാ ജയില്‍ കോമ്പൗണ്ടിലേക്ക് ഊര്‍ന്നിറങ്ങുകയായിരുന്നു.
വെള്ളിയാഴ്ച പുലര്‍ച്ചെ 5.45നായിരുന്നു സംഭവം. മുടവന്‍മുകള്‍ സ്വദേശിയായ രാജീവിനെയാണ് ഊര്‍ന്നിറങ്ങാനുള്ള ശ്രമത്തിനിടയില്‍ പിടികൂടിയത്. ആല്‍മരത്തിലൂടെ ഊര്‍ന്നിറങ്ങവെ ഇയാളുടെ ദേഹത്ത് മുറിവുകള്‍ പറ്റിയിട്ടുണ്ട്. ഇയാള്‍ വനിതാ ജയില്‍ വളപ്പില്‍ കടന്നയുടന്‍ വനിതാ വാര്‍ഡന്മാര്‍ പിടികൂടി.
തുടര്‍ന്ന് വനിതാ ജയിലില്‍ നിന്നും വിവരമറിയിച്ചതിന് തുടര്‍ന്ന് ഫോര്‍ട്ട് പൊലീസ് കസ്റ്റഡിയിലെടുത്ത് ഇയാളെ കസ്റ്റഡിയിലെടുത്തു. താനെന്തിനാണ് ഇവിടെ വന്നതെന്നാണ് ഇയാള്‍ ചോദ്യം ചെയ്യുമ്പോള്‍ പൊലീസിനോട് ചോദിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
