സിപിഎം പത്തനംതിട്ട ജില്ലാ സെക്രട്ടറിയായി കെപി ഉദയഭാനു തുടരും ; പാലക്കാട് സി കെ രാജേന്ദ്രന് മൂന്നാമൂഴം

സുബൈദ ഇസഹാക്ക്, നിധിന്‍ കണിച്ചേരി, ഗോകുല്‍ ദാസ് തുടങ്ങിയവരാണ് പുതുതായി പാലക്കാട് ജില്ലാ കമ്മിറ്റിയില്‍ ഇടംപിടിച്ചത് 
സിപിഎം പത്തനംതിട്ട ജില്ലാ സെക്രട്ടറിയായി കെപി ഉദയഭാനു തുടരും ; പാലക്കാട് സി കെ രാജേന്ദ്രന് മൂന്നാമൂഴം

പാലക്കാട് : സിപിഎം പാലക്കാട് ജില്ലാ സെക്രട്ടറിയായി വീണ്ടും സി കെ രാജേന്ദ്രനെ വീണ്ടും തെരഞ്ഞെടുത്തു. മൂന്നാം തവണയാണ് സികെ രാജേന്ദ്രനെ ജില്ലാസെക്രട്ടറിയായി തിരഞ്ഞെടുക്കുന്നത്. 43 അംഗ ജില്ലാ കമ്മിറ്റിയെയും സമ്മേളനം തെരഞ്ഞെടുത്തു. ഇതില്‍ ഒന്‍പത് പുതുമുഖങ്ങള്‍ ഉള്‍പ്പെടുന്നു. 

സുബൈദ ഇസഹാക്ക്, നിധിന്‍ കണിച്ചേരി, ഗോകുല്‍ ദാസ് തുടങ്ങിയവരാണ് പുതുതായി ജില്ലാ കമ്മിറ്റിയില്‍ ഇടംപിടിച്ചത്. മുണഅടൂര്‍ മുന്‍ ഏരിയാ സെക്രട്ടറിയാണ് ഗോകുല്‍ദാസ്. മൂന്നു ദിവസമായി നടക്കുന്ന ജില്ലാ സമ്മേളനം ഇന്ന് സമാപിക്കും. 

കെപി ഉദയഭാനു, സി കെ രാജേന്ദ്രന്‍ എന്നിവര്‍
കെപി ഉദയഭാനു, സി കെ രാജേന്ദ്രന്‍ എന്നിവര്‍

പത്തനംതിട്ട ജില്ലാ സെക്രട്ടറിയായി കെ പി ഉദയഭാനുവും തുടരും. രണ്ടാം തവണയാണ് ഉദയഭാനു ജില്ലാ സെക്രട്ടറിയാകുന്നത്. ഐകകണ്‌ഠ്യേനയായിരുന്നു തെരഞ്ഞെടുപ്പ്. 30 അംഗ ജില്ലാ കമ്മിറ്റിയെയും തെരഞ്ഞെടുത്തു. 

നിലവിലെ കമ്മിറ്റിയില്‍ നിന്ന് ഏഴുപേരെ ഒഴിവാക്കി. സംസ്ഥാന കമ്മിറ്റി അംഗങ്ങളായ കെ അനന്തഗോപന്‍, ഉണ്ണികൃഷ്ണപിള്ള എന്നിവരെ ഒഴിവാക്കി. കോന്നിയില്‍ നിന്നുള്ള അംഗമായ ശ്യാംലാല്‍, രാധ രാമചന്ദ്രന്‍, മോഹന്‍ നായര്‍ എന്നിവരെയും ഒഴിവാക്കി. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com