കൊച്ചി: കടത്തിക്കൊണ്ടുപോയി അക്രമത്തിനരയാകപ്പെട്ട നടി വീണ്ടും അഭിനയ ലോകത്തേക്ക് തിരികെ വരുന്നു. പൃഥ്യരാജ് നായകനാകുന്ന പുതിയ ചിത്രത്തിലൂടെയാണ് നടി വീണ്ടും അഭിനയ രംഗത്തക്ക് തിരികെയെത്തുന്നത്. ചിത്രത്തിന്റെ ഷൂട്ടിങ്ങിനായി നടി ഫോര്ട്ട് കൊച്ചിയിലെ ലൊക്കേഷനിലെത്തി.
നടി ഇന്ന് മാധ്യമങ്ങളെ കാണാന് തീരുമാനിച്ചത് പൊലീസ് ഇടപെട്ടു തടഞ്ഞു. ഈ ചിത്രത്തിന്റെ ലൊക്കേഷനില് വെച്ച് മാധ്യമങ്ങളെ കാണും എന്നാണ് അറിയിച്ചിരിന്നത്. എന്നാല് സംഭവത്തില് പിടിയിലായവരുടെ തിരിച്ചറിയല് പരേഡ് ഇന്ന് നടത്തും എന്ന കാരണത്താല് മാധ്യമങ്ങളെ കാണുന്നത് ഒഴിവാക്കാന് പൊലീസ് ആവശ്യപ്പെടുകയായിരുന്നു.നാളെ നടി മാധ്യമങ്ങളെ കാണും എന്നാണ് ഏറ്റവും പുതി.യ വിവരം.
കാക്കനാട് സബ്ജയിലില് ഉച്ചയ്ക്ക് 12 മിയോടെ തിരിച്ചരിയല് പരേഡ് ആരംഭിക്കും. പള്സര് സുനി, വിജീഷ്,മണികണ്ഠന്, എന്നിവരാണ് കേസുമായി ബന്ധപ്പെട്ട് നിലവില് പൊലീസ് കസ്റ്റഡിയിലുള്ളത്.
പ്രതികളെ കൂടുതല് ചോദ്യം ചെയ്യുന്നതിനായി കസ്റ്റഡിയില് വാങ്ങാന് പൊലീസ് സമര്പ്പിച്ച അപേക്ഷ കോടതി ഇന്ന് പരിഗണിക്കും. പള്സര് സുനിക്ക് വേണ്ടി വാദിക്കാന് അഡ്വ. ബി എ ആളൂര് ഉച്ചയോടെ കൊച്ചിയിലെത്തും. സുനില് കുമാറിനെ വിട്ടു കൊടുക്കാതിരിക്കാന് ശ്രമിക്കുമെന്ന് ആളൂര് പറഞ്ഞതായി റിപ്പോര്ട്ടുകളുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ