കോഴിക്കോട്: ചലച്ചിത്ര താരങ്ങളുടെ സംഘടനയ്ക്ക അച്ഛന് എന്ന പേരാണ് ഉചിതമെന്ന് കെപിസിസി പ്രസിഡന്റ് എംഎം ഹസന്. കൊച്ചിയില് നടി ആകമിക്കപ്പെട്ട കേസില് അമ്മ എന്ന ചലച്ചിത്ര സംഘടന എടുത്ത നിലപാടിനെതിരെയാണ് ഹസന്റെ വിമര്ശനം. നടിയെ ആക്രമിച്ച സംഭവത്തില് ഇത്രയും ഗുരുതര ആരോപണങ്ങള് ഉണ്ടായിട്ടും സംഘടന ചര്ച്ച ചെയ്യാതിരുന്നത് ഉത്തരവാദിത്തമില്ലായ്മയാണെന്ന് ഹസന് കോഴിക്കോട്ട് പറഞ്ഞു. ഈ കേസില് മുഖ്യമന്ത്രിക്കെതിരെയും ഹസന് പ്രതികരിച്ചു.
നടിയെ ആക്രമിച്ച കേസ് വഴിതെറ്റിച്ചതില് ഒന്നാംപ്രതി മുഖ്യമന്ത്രി പിണറായി വിജയനാണെന്ന് പ്രതിപക്ഷനേതാവ് രമേശ് ചെന്നിത്തലയും ആരോപിച്ചു. കെ.ബി. ഗണേഷ് കുമാറും മുകേഷും ആരെയോ സംരക്ഷിക്കാന് ശ്രമിക്കുന്നതായി പറഞ്ഞ കെ.മുരളീധരന്, അന്വേഷണം കാര്യക്ഷമമായാല് സിപിഎം നേതാക്കള് കുടുങ്ങുമെന്നും പറഞ്ഞിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ