കൊച്ചി: നടിയെ ആക്രമിച്ച കേസില് അറസ്റ്റിലായ നടന് ദിലീപിനെ അറസ്റ്റ് ചെയ്തത് ഹിന്ദു ആയതുകൊണ്ടെന്ന പ്രചരണവുമായി സംഘപരിവാര്. ശംഖ്നാദ് കേരള എന്ന ട്വിറ്റര് ഐഡിയിലൂടെയാണ് ഹിന്ദു ആയതിന്റെ പേരില് ദിലീപിനെ അറസ്റ്റ് ചെയ്തു എന്ന തരതതില് പ്രചാരണം നടത്തുന്നത്.
ജൂണ് 28ന് പോസ്റ്റ് ചെയ്ത ഒരു ട്വീറ്റ് റീട്വീറ്റ് ചെയ്തുകൊണ്ടാണ് സംഘപരിവാര് അനുകൂല ട്വിറ്റര് അക്കൗണ്ട് ദിലീപ് കേസിലും മതസംഘര്ഷം വളര്ത്താന് ശ്രമിക്കുന്നത്. 28ന് ട്വീറ്റ് ചെയ്തിരിക്കുന്ന പോസ്റ്റില് പറഞ്ഞിരിക്കുന്നത് കേരള ചലചിത്ര മേഖല നിയന്ത്രിക്കുന്നത് കമ്മ്യൂണിസ്റ്റുകളാണ്. ഹിന്ദു നടന് ദിലിപ് കേസിലേക്ക് വലിച്ചിഴക്കപ്പെടുകയാണ് എന്നാണ്. ഈ പോസ്റ്റില് ആക്രമിക്കപ്പെട്ട നടിയുടെ പേരും വെളുപ്പെടുത്തിയിട്ടുണ്ട്.
അതേ ട്വീറ്റ് റീട്വീറ്റ് ചെയ്തുകൊണ്ട് കേരളത്തിലും ബംഗാളിലും ഹിന്ദു നടന്മാര് കുറ്റവാളിയാക്കപ്പെടുകയാണ് എന്നും ദിലീപിന്റെ അറസ്റ്റ് തങ്ങള് നേരത്തെ പ്രവചിച്ചിരുന്നുവെന്നും ശംഖനാദ് കേരള പറയുന്നു.
ദിലീപ് ജാതി രാഷ്ട്രീയത്തിന്റെ ഇരയാണെന്നും ട്വിറ്റര് പറയുന്നു. രാജ്യം മുഴുവന് ഹിന്ദു നടന്മാരും നടിമാരും ആക്രമണത്തിന് വിധേയരാകുന്നു എന്നാണ് ശംഖ് നാദിന്റെ മറ്റൊരു കണ്ടെത്തല്. വര്ഗീയ വിഷം വമിക്കുന്ന നിരവധി പോസ്റ്റുകളാണ് ഈ അക്കൗണ്ടില് നിന്നും വന്നുകൊണ്ടിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ