കൊച്ചി: നടി ആക്രമിക്കപ്പെട്ട കേസ് അന്വേഷണത്തില്‍ വീഴ്ച സംഭവിച്ചാല്‍ സ്വന്തം സ്ഥാനമാനങ്ങള്‍ തൃജിച്ചും കേസിന്റെ അവസാനം കാണാന്‍ ശ്രമിക്കുമെന്ന് പി.ടി.തോമസ് എംഎല്‍എ. കേസില്‍ അന്വേഷണ സംഘത്തിന് മുന്നില്‍ മൊഴി കൊടുത്തതിന് ശേഷമായിരുന്നു മാധ്യമപ്രവര്‍ത്തകരോടുള്ള പി.ടി.തോമസിന്റെ പ്രതികരണം.
നേരത്തെ കേസ് അന്വേഷണം സിബിഐയ്ക്ക് വിടണം എന്ന ആവശ്യം താന്‍ ഉയര്‍ത്തിയിരുന്നു. എന്നാല്‍ അന്വേഷണ സംഘത്തില്‍ ഇപ്പോള്‍ വിശ്വാസമുണ്ട്.. തന്റെ മണ്ഡലത്തില്‍ നടന്ന കുറ്റകൃത്യമാണ് ഇത്. കുറ്റകൃത്യം തെളിയിക്കാന്‍ എല്ലാ ശ്രമവും തുടരുമെന്നും പി.ടി.തോമസ് പറഞ്ഞു.
നടി ആക്രമിക്കപ്പെട്ട കേസില്‍ അന്‍വര്‍ സാദത്ത്, മുകേഷ് എന്നീ എംഎല്‍എമാരില്‍ നിന്നും അന്വേഷണ സംഘം നേരത്തെ മൊഴി എടുത്തിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
