വിന്‍സെന്റിനെതിരേ കുരുക്കു മുറുകുന്നു; സമാനമായ മറ്റൊരു കേസിലും അന്വേഷണം
തിരുവനന്തപുരം: വീട്ടമ്മയെ പീഡിപ്പിച്ച കേസില്‍ റിമാന്‍ഡില്‍ കഴിയുന്ന കോവളം എംഎല്‍എ വിന്‍സെന്റിനെതിരേ കുരുക്കു മുറുകുന്നു. 20 വര്‍ഷം മുമ്പുള്ള സമാനമായ മറ്റൊരു കേസിലും വിന്‍സെന്റിനെതിരേ അന്വേഷണം നടത്തും. 20 വര്‍ഷം മുമ്പ് കന്യാസ്ത്രീയാകാന്‍ എത്തിയ യുവതിയെ വിവാഹ വാഗ്ധാനം നല്‍കി വഞ്ചിച്ചെന്ന ആരോപണമാണ് പോലീസ് അന്വേഷിക്കുക. വിന്‍സെന്റിനെ കസ്റ്റഡില്‍ ആവശ്യപ്പെട്ട് അന്വേഷണ സംഘം നാളെ അപേക്ഷ നല്‍കും. ഇതുമായി ബന്ധപ്പെട്ടുള്ള അവസാന തീരുമാനം നാളെ ചേരുന്ന അന്വേഷണ സംഘത്തിന്റെ യോഗത്തില്‍ എടുക്കും.
അതേസമയം, വനിതാ നേതാക്കളില്‍ നിന്നുള്‍പ്പടെ വിന്‍സെന്റിനെതിരേ നടപടിയെടുക്കണമെന്നാവശ്യം ശക്തമായ സാഹചര്യത്തില്‍ പാര്‍ട്ടിയിലുള്ള സ്ഥാനങ്ങളില്‍ നിന്നും വിന്‍സെന്റിനെതിരേ താല്‍ക്കാലികമായി സസ്‌പെന്റ് ചെയ്തു. ആരോപണം തെളിയുന്നതു വരെ എംഎല്‍എ സ്ഥാനം രാജിവെക്കേണ്ട ആവശ്യമില്ലെന്ന് കെപിസിസി പ്രസിഡന്റ് എംഎം ഹസന്‍ വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
