വിവാഹ വാഗ്ദാനം നല്‍കി പീഡിപ്പിച്ചതായി പരാതി;മാധ്യമ പ്രവര്‍ത്തകന്‍ അറസ്റ്റില്‍

വിവാഹ വാഗ്ദാനം നല്‍കി പീഡിപ്പിച്ചതായി പരാതി;മാധ്യമ പ്രവര്‍ത്തകന്‍ അറസ്റ്റില്‍

തിരുവനന്തപുരം: സഹ പ്രവര്‍ത്തകയുടെ പരാതിയില്‍ മാതൃഭൂമി ന്യൂസ് ചാനലിലെ സീനിയര്‍ ന്യൂസ് എഡിറ്റര്‍ അമല്‍ വിഷ്ണുദാസ് അറസ്റ്റില്‍. വിവാഹ വാഗ്ദാനം നല്‍കി ലൈംഗികമായി പീഡിപ്പിച്ചുവെന്ന പരാതിയില്‍ വഞ്ചിയൂര്‍ പോലീസാണ് അറസ്റ്റു ചെയ്തത്. 

2015 ഡിസംബറിലാണ് കേസിനാസ്പദമായ സംഭവം. ഈ സമയത്ത് കോസ്‌മോപൊളിറ്റന്‍ ആശുപത്രിയില്‍ ചികിത്സയില്‍ കഴിയുന്ന അമലിനെ സന്ദര്‍ശിക്കാന്‍ കീഴുദ്യോഗസ്ഥയെന്ന നിലയില്‍ ആശുപത്രിയിലെത്തിയപ്പോള്‍ ഇയാള്‍ പീഡിപ്പിച്ചുവെന്നാണ് പരാതിക്കാരി തിരുവനന്തപുരം സിറ്റി പോലീസ് കമ്മീഷണര്‍ക്കു നല്‍കിയ പരാതിയില്‍ പറയുന്നത്.

പിതാവിന്റെ ചികിത്സയ്ക്കാണെന്നും പറഞ്ഞ് പലപ്പോഴായി തന്റെ കയില്‍ നിന്നും പണം വാങ്ങിയെന്നും പീഡനവിവരം പുറത്തു പറഞ്ഞാല്‍ ജോലിയില്‍ നിന്നും തെറിപ്പിക്കുമെന്നും ഭീഷണിപ്പെടുത്തിയതായും പരാതിയില്‍ പറയുന്നു. അതേസമയം, അറസ്റ്റിലായ മാധ്യമ പ്രവര്‍ത്തകനെ അന്വേഷണ വിധേയമായി മാതൃഭൂമി ന്യൂസ് സസ്‌പെന്റ് ചെയ്തു. പരാതിക്കാരിക്കു എല്ലാവിധ സംരക്ഷണവും നല്‍കുമെന്നും ചാനല്‍ മാനേജ്‌മെന്റ് അറിയിച്ചു. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com