പഫ്‌സ് വാങ്ങാന്‍ പണം മോഷ്ടിച്ചെന്ന് ആരോപിച്ച് അമ്മ ഒന്‍പതുകാരനെ പൊള്ളിച്ചു

തൊടുപുഴയില്‍ പെരുമ്പള്ളിച്ചിറയില്‍ പഫ്‌സ് വാങ്ങാന്‍ പണം മോഷ്ടിച്ചതിന് അമ്മ മകനെ പൊള്ളിച്ചു. ഒന്‍പതു വയസുകാരന്റെ മുഖത്തും വയറ്റിലുമാണ് കൈയിലുമാണ് പൊള്ളിച്ചത്
പഫ്‌സ് വാങ്ങാന്‍ പണം മോഷ്ടിച്ചെന്ന് ആരോപിച്ച് അമ്മ ഒന്‍പതുകാരനെ പൊള്ളിച്ചു

തൊടുപുഴ: തൊടുപുഴയില്‍ പെരുമ്പള്ളിച്ചിറയില്‍ പഫ്‌സ് വാങ്ങാന്‍ പണം മോഷ്ടിച്ചതിന് അമ്മ മകനെ പൊള്ളിച്ചു. ഗുരുതരമായി പൊള്ളലേറ്റ മൂന്നാം ക്ലാസുകാരനെ ആശുപത്രിയില്‍ പ്രവേശിപ്പിച്ചിരിക്കുകയാണ്. ഒന്‍പതു വയസുകാരന്റെ മുഖത്തും വയറ്റിലുമാണ് കൈയിലുമാണ് പൊള്ളിച്ചത്. പിതാവിന്റെ കീശയില്‍ നിന്നും പത്തുരൂപ കാണാതായതിനെ തുടര്‍ന്നാണ് അമ്മ മകനെ പൊള്ളിച്ചത്. 

കുട്ടിയെ കണ്ട അയല്‍വാസി കുട്ടിയോട് കാര്യം തിരക്കിയപ്പോള്‍ കളിക്കാന്‍ പോയതിന് അമ്മ തല്ലിയതെന്നായിരുന്നു കുട്ടി പറഞ്ഞത്. എന്നാല്‍ കുട്ടി രാവിലെ സ്‌കൂളില്‍ പോവാത്തതിനെ തുടര്‍ന്ന് കൂടുതല്‍ വിവരങ്ങള്‍ ചോദിച്ചപ്പോഴാണ് കുട്ടി വിവരങ്ങള്‍ പറഞ്ഞത്. തുടര്‍ന്ന് തങ്കപ്പന്‍ വിവരം നാട്ടുകാരെയും ചൈല്‍ഡ് ലൈന്‍ പ്രവര്‍ത്തകരെയും അറിയിക്കുകയായിരുന്നു.

രാവിലെ ശിശുക്ഷേമസമിതി പ്രവര്‍ത്തകര്‍ വീട്ടിലെത്തിയപ്പോള്‍ രണ്ടുകുട്ടികള്‍ മാത്രമാണ് വീട്ടിലുണ്ടായിരുന്നത്. മാതാപിതാക്കള്‍ ജോലിക്ക് പോയാണെന്നായിരുന്നു കുട്ടികള്‍ പറഞ്ഞത്. കുട്ടികളുടെ മൊഴിയുടെ അടിസ്ഥാനത്തില്‍ രക്ഷിതാക്കളെ മൊബൈലില്‍ വിളിച്ചെങ്കിലും പ്രതികരിച്ചില്ലെന്നാണ് ചൈല്‍ഡ് വെല്‍ഫെയര്‍ ഉദ്യോഗസ്ഥര്‍ പറയുന്നത്.

ഇതിനു മുന്‍പും നിസാര കാര്യങ്ങള്‍ പറഞ്ഞുകൊണ്ട് കുട്ടിയെ ഉപദ്രവിക്കാറുണ്ടെന്ന് അയല്‍വാസികള്‍ പറയുന്നു. കുട്ടിയുടെ പരാതിയില്‍ ജുവനൈല്‍ ജസ്റ്റിസ് നിയമപ്രകാരം കേസെടുത്ത് അന്വേഷണം നടത്തുമെന്ന് പൊലീസ് അറിയിച്ചു

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com